Войти на сайт
26 Июня  2026 года

 

  • Сёз сёзню айтдырыр.
  • Ёлмесенг да, къарт дамы болмазса?
  • Сютден ауузу кюйген, суугъа юфгюре эди.
  • Уллу сёзде уят джокъ.
  • Таш ата билмеген, башына урур.
  • Къыз чыгъаргъан – къызыл къымжа.
  • Биреуню къыйынлыгъы бла кесинге джол ишлеме.
  • Чакъырылгъанны аты, чакъырылмагъанны багъасы болур.
  • Аз сёлеш, кёб ишле.
  • Терек ауса, отунчу – кёб.
  • Ат басханны джер билед.
  • Аякъларынгы джууургъанынга кёре узат.
  • Тил джюрекге джол ишлейди.
  • Бюгюн дуния кибик, тамбла ахыратды.
  • Чыбыкълыкъда бюгюлмеген, къазыкълыкъда бюгюлмей эди.
  • Баш болса, бёрк табылыр.
  • Байлыкъ тауусулур, билим тауусулмаз.
  • Ашхы – джыяр, аман – джояр.
  • Кесине гебен этелмеген, биреуге черен эте эди.
  • Ойнай-ойнай кёз чыгъар.
  • Чомарт бергенин айтмаз.
  • Сёз садакъдан кючлюдю.
  • Кёлсюзден сёзсюз тууар.
  • Джырчы джырчыгъа – къарнаш.
  • Ашхы адам – халкъ байлыгъы, ашхы джер – джашау байлыгъы.
  • Алтыда кюлмеген, алтмышда кюлмез.
  • Джыгъылгъанны сырты джерден тоймаз.
  • Чомартны къолун джокълукъ байлар.
  • Аш хазыр болса, иш харам болур.
  • Чабакъсыз кёлге къармакъ салгъанлыкъгъа, чабакъ тутмазса.
  • Этни бети бла шорпасы.
  • Иги сеники эсе да, сюйген кесимикин этеме.
  • Ишлемеген – тишлемез.
  • Кеси юйюмде мен да ханма.
  • Адебни адебсизден юрен.
  • Нарт сёз – тилни бети.
  • Намысы джокъну – дуниясы джокъ.
  • Къонакъ болсанг, ийнакъ бол.
  • Тил – миллетни джаны.
  • Кёбден умут этиб, аздан къуру къалма.
  • Акъыл сабырлыкъ берир.
  • Сабий болмагъан джерде, мёлек болмаз.
  • Джаханимни кёрмей, джандетге кёл салмазса.
  • Тешик этген тынчды, аны джамагъан къыйынды.
  • Ач уят къоймаз.
  • Артына баргъанны, къатына барма.
  • Башланнган иш битер, къымылдагъан тиш тюшер.
  • Иги адам абынса да, джангылмаз.
  • Мал кёб болса, джууукъ кёб болур.
  • Кийиминг бла танылма, адамлыкъ бла таныл.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 2)

 

Написать нам