- Сабий болмагъан джерде, мёлек болмаз.
- Ханы къызы буюгъа-буюгъа киштик болду.
- Тулпарлыкъ, билекден тюл – джюрекден.
- Намысы джокъну – дуниясы джокъ.
- Джукъу тёшек сайламайды.
- Къая джолда джортма, ачыкъ сёзден къоркъма.
- Этни да ашады, бетни да ашады.
- Насыб бютеу халкъны юлюшюдю.
- Ашхы – джыяр, аман – джояр.
- Тойгъан джерден туугъан джер игиди.
- Тенгинг джокъ эсе – изле, бар эсе – сакъла!
- Ётюрюкчюню шагъаты – къатында.
- Орну джокъну – сыйы джокъ.
- Ёксюзню къалачы уллу кёрюнюр.
- Кёбню кёрген – кёб билир.
- Ашатыргъа иш – ашхы, ишлетирге аш – ашхы.
- Намысы болмагъанны, сыйы болмаз.
- Джиби бир къат джетмей эди да, эки къат тарта эди.
- Этни бети бла шорпасы.
- Кёлсюзден сёзсюз тууар.
- Ишин билген, аны сыйын чыгъарады.
- Адамны адамлыгъы къыйынлыкъда айгъакъланады.
- Адамны бетине къарама, адетине къара.
- Джогъун бар этген, барын бал этген.
- Айран тёгюлсе, джугъусу къалыр.
- Ётюрюк хапар аякъ тюбю бла джюрюйдю.
- Ашхылыкъ джерде джатмайды, аманлыкъ суугъа батмайды.
- Сабыр джетер муратха, сабырсыз къалыр уятха.
- Иши джокъну, сыйы джокъ.
- Биреуге кёлтюрген таягъынг, кесинги башынга урур.
- Тилчи бир сагъатха айлыкъ хата этер.
- Ишлегенде эринме, ишде чолакъ кёрюнме.
- Керилген да, ургъан кибикди.
- Накъырданы арты керти болур.
- Аджашхан тёгерек айланыр.
- Азыкъ аз болса, эртде орун сал.
- Ишге юренсин къоллары, халкъ бла болсун джоллары.
- Юре билмеген ит, къонакъ келтирир.
- Ойнаб айтсанг да, эслеб айт.
- Босагъагъа джууукъ орун болса, ашыгъыб тёрге озма.
- Джерни букъусу кёкге къонмаз.
- Джыйырма къойну юч джыйырма эбзе кюте эди.
- Термилгенинги табмазса, кюлгенинге тюберсе.
- Аш кетер да бет къалыр.
- Аманны эки битли тону болур, бирин сеннге кийдирир, бирин кеси киер.
- Адамны аманы адамны бети бла ойнар.
- Чакъырылмай келген къонакъ сыйланмай кетер.
- Къатын къылыкъсыз, эр тынчлыкъсыз.
- Билим къая тешер.
- Сакъалы текени да бар, мыйыгъы киштикни да бар.
Къарачай-малкъар халкъны нарт сёзлери
|
Малкъар спектаклде окъугъан нарт сёзню джазайым.
Тюш джугъуну..., анга ийнанган адамланы джогъуду |
|
|
|
|
|
Солагайгъа чолакъ дегенлей.
Сангырау тилкъауну юретгенлей.  Сютю джокъду деб ёгюзню тюйгенлей.  |
|
|
|
|
|
Джигт тюшюнде джауну кёрюр, чабакъчы тюшюнде ауну кёрюр
Мир умутдан минг умут чыгъар Билим эшикден кирсе, дин оджакъ бла чыгъар-деб нек аитханла? |
|
|
|
|
|
Кергелен
бек тиерсиз сау болугъуз! Муну ючюн а джыр бкереме саугъагъа. джаратыб тынгыларсыз деген умут бла  |
|
|
|
|
|
КергеленвсезнайкаСау бол ,джырынга да тынгладым, ана къарнашымы да кёрдюм))))))))))
Да не сау болу барды, келе туругъуз Батыр турса-элге насыб, джауун джауса-джерег насыб |
|
|
|
|
 Анасы махтагъанны- алма, Тийреси махтагъандан къалма. Ата- билек ,ана-джюрек. Ата болмагъан -атаны къыйматын билмез. |
|
|
|
|
|
сакъалсыз сакъаллыны алдар
|
|
|
|
|
|
бозанг болмагъан жерге къалагъынгы сукъма
|
|
|
|
|
|
Чыракъ да кесини тёгерегин джарытады.
Чыбчыкъ аягъыда бокълайды сууну. |
|
|
|
|
|
Юйге дуппукъ, тышына джити балта
|
|
|
|
|
|
Чалкъычылагъа))))))))))
Бюреуню дырынын джыйыб, кесиникин чиритген.   Бай эсенг--" джуукъ бол" Джарлы эсенг-"сау къал"  Бермезни ашы бишмез. |
|
|
|
|
|
Кергелен
Аллах саулукъ берсин, ана тилибизде темаланы джилтинлерин ёчюлтмей тургъаныгъыз ючюн  |
|
|
|
|
|
Биреуню тёрюнден эсе кесинги эшик артынг шхыды.
Эринчек ауруу табар, ишлеген саулукъ табар |
|
|
|
|
|
всезнайка
былайгъа къара да, бир джууаб эт: http://www.elbrusoid.org/phorum/index.php?action=v thread&forum=22&topic=13718&page=2 |
|
|
|
|
|
Къайын адетли болса, келин намыслы болур.
Къашыкъ бла джыйгъанынгы чёмюч бла чачма |
|
|
|
|
|
Дунияда тюзлюк къуругъан эседа, Уллу малкъарда Тёредамы къуругъанды.
|
|
|
|
|
|
Анасы жюрюшлю болса, къызы жоргъа болады.
|
|
|
|
|
|
Иш къылыгъын билмеген ит ылыгъын сынар.
|
|
|
|
|
|
Онгсуз кёрсе, биреу сеннге кеси аллына алынады,
Онглу болсанг, кесинге огъай, джууугъунга джалынады |
|
|
|
|
|
Багъалы эгечим, адетли деген сёзюнгю орнуна, адебли деб салыргъа керекди. Алайчыгъы терсди. Айыб этме, эгечим
|
|
|
|
|
|
Анасы жюрюшлю болса, къызы жоргъа болады.
Болады деб, айтылмайды. Алай а тюзю болур деб айтылады. Нек десенг хаманда джоргъа болуб бармайды. |
||||
|
|
|
|||
Читают тему (гостей: 1)