Войти на сайт
26 Июня  2026 года

 

  • Кёбден умут этиб, аздан къуру къалма.
  • Ариу сёзде ауруу джокъ.
  • Джумушакъ сёз къаты таякъны сындырыр.
  • Къолу уллу – асыу, аягъы уллу – джарсыу.
  • Иги адам абынса да, джангылмаз.
  • Ойнай билмеген, уруб къачар.
  • Сакъ юйюне сау барыр.
  • Ётюрюкню башын керти кесер.
  • Кенгеш болса, уруш болмаз.
  • Къартны сыйын кёрмеген, къартлыгъында сыйлы болмаз.
  • Акъылсызны джууукъгъа алма, акъыллыны кенгнге салма.
  • Акъдан къара болмаз.
  • Къанны къан бла джуума, аманны аман бла къуума.
  • Хата – гитчеден.
  • Ата Джуртча джер болмаз, туугъан элча эл болмаз.
  • Малны кют, джерни тюрт.
  • Къозулугъунда тоймагъан, къойлугъунда тоймаз.
  • Аш иеси бла татлыды.
  • Тенгни тенглиги джашай барсанг билинир.
  • Къонакъ аз олтурур, кёб сынар.
  • Къарыусузгъа кюлме, онгсузгъа тийме.
  • Къатын къылыкъсыз, эр тынчлыкъсыз.
  • Къобан да къуру да къобханлай турмайды, адам да къуру да патчахлай турмайды.
  • Сормай – алма, чакъырылмай – барма.
  • Аманнга игилик этсенг, юйюнге сау бармазса.
  • Эри аманны, къатыны – аман.
  • Джырчы джырчыгъа – къарнаш.
  • Джетген къыз джерли эшекни танымаз.
  • Аджашханны ызындагъы кёреди, джангылгъанны джанындагъы биледи.
  • Ёлген аслан – сау чычхан.
  • Айран тёгюлсе, джугъусу къалыр.
  • Уллу къазанда бишген эт, чий къалмаз.
  • Джангыз торгъай джырламаз.
  • Таукел къуру къалмаз.
  • Ашхы тенг джолгъа салыр, аман тенг джолдан тайдырыр.
  • Таукел адам тау тешер.
  • Джолда аягъынга сакъ бол, ушакъда тилинге сакъ бол.
  • Узун джолну барсанг, бюгюн келирсе, къысха джолну барсанг, тамбла келирсе.
  • Эрни эр этерик да, къара джер этерик да, тиширыуду.
  • Сютден ауузу кюйген, суугъа юфгюре эди.
  • Къалгъан ишге къар джауар.
  • Джылкъыдан – ат чыгъар, тукъумдан – джаш чыгъар.
  • Тойчу джашха къарама, къойчу джашха къара.
  • Тай асырагъан, атха минер.
  • Чабар ат – джетген къыз.
  • Aдам боллукъ, сыфатындан белгили.
  • Адеб базарда сатылмаз.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Минг тенг да азды, бир джау да кёбдю.
  • Бети къызарыучу адамны, джюреги харам болмаз.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 1)

 

Написать нам