Войти на сайт
4 Сентября  2026 года

 

  • Ашда – бёрю, ишде – ёлю.
  • Тюзлюк тас болмайды.
  • Чакъырылмай келген къонакъ сыйланмай кетер.
  • Байлыкъдан саулукъ ашхыды.
  • Этек чакъмакълары баш джаргъан, сёлешген сёзлери таш джаргъан.
  • Сакъалы текени да бар, мыйыгъы киштикни да бар.
  • Тилчиден кери бол.
  • Тёрде – темир таякълы, къаяда – чыпчыкъ аякълы.
  • Адамны бетине къарама, адетине къара.
  • Къарт бла баш аша, джаш бла аякъ аша.
  • Къайгъы тюбю – тенгиз.
  • Кёлю джокъну – джолу джокъ.
  • Окъдан джара эртде-кеч болса да бителир, сёз джара, ёмюрге къалыр.
  • Къан бла кирген, джан бла чыгъар.
  • Акъыл къартда, джашда тюйюлдю – башдады.
  • Бал – татлы, балдан да бала – татлы.
  • Къатын байлыкъны сюер, эр саулукъну сюер.
  • Ашаса, ашамаса да, бёрюню ауузу – къан.
  • Билимсиз иш бармаз.
  • Къайгъыны сюйген, къайгъы табар.
  • Джумушакъ терекни къурт ашар.
  • Сёз – кюмюш, джыр – алтын.
  • Хатерли къул болур.
  • Кёлсюзден сёзсюз тууар.
  • Кийиминг бла танылма, адамлыкъ бла таныл.
  • Тилчи тилден къаныкъмаз.
  • Кёзден кетген, кёлден да кетеди.
  • Акъыллы айтыр эди, акъылсыз къоймайды.
  • Чабар ат – джетген къыз.
  • Тили узунну, намысы – къысха.
  • Эл тойса, тоймагъан, эл къойса, къоймагъан.
  • Сёлеш деб шай берген, тохта деб, сом берген.
  • Ачыу алгъа келсе, акъыл артха къалады.
  • Уллу атлама – абынырса, уллу къабма – къарылырса.
  • Эте билген, этген этеди, эте билмеген, юретген этеди!
  • Джырына кёре эжиую.
  • Окъуусуз билим – джокъ, билимсиз кюнюнг – джокъ.
  • Эркиши – от, тиширыу – суу.
  • Джерни букъусу кёкге къонмаз.
  • Ётюрюкню къуйругъу – бир тутум.
  • Бек анасы джыламаз.
  • Ханы къызы буюгъа-буюгъа киштик болду.
  • Юй ишлеген балта эшикде къалыр.
  • Эркишини аманы тиширыуну джылатыр.
  • Уллу къашыкъ эрин джыртар.
  • Билим къая тешер.
  • Келлик заман – къартлыкъ келтирир, кетген заман – джашлыкъ ёлтюрюр.
  • Уясында не кёрсе, учханында аны этер.
  • Таугъа чыгъаллыкъ эсенг, тюзде къалма.
  • Игини сыйлагъан адетди.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 1)

 

Написать нам