Войти на сайт
26 Июня  2026 года

 

  • Адамны сабийин сюйген джюреги, бычакъча, джитиди.
  • Босагъа таш юйге кирмей эди, тыбыр таш эшикге чыкъмай эди.
  • Кёрмегеннге кебек – танг, битмегеннге сакъал – танг.
  • Айырылмаз джууугъунга, унутмаз сёзню айтма.
  • Биреуню тёрюнден, кесинги эшик артынг игиди.
  • Кесине гебен этелмеген, биреуге черен эте эди.
  • Адам къаллай бир ишленмесе, аллай бир кесин уллу кёреди.
  • Эртде тургъан бла эртде юйленнген сокъуранмаз.
  • Ишленмеген джаш – джюгенсиз ат, ишленмеген къыз – тузсуз хант.
  • Мен да «сен», дейме, сен да «кесим», дейсе.
  • Бозанг болмагъан джерге, къалагъынгы сукъма.
  • Адебсиз адам – джюгенсиз ат.
  • Тойчу джашха къарама, къойчу джашха къара.
  • Артына баргъанны, къатына барма.
  • Хаухну атма, ёнгкючню сатма.
  • Тюз сёз баргъан сууну тыяр.
  • Аманнга игилик этсенг, юйюнге сау бармазса.
  • Айранын берсенг, челегин да къызгъанма.
  • Къалгъан ишге къар джауар.
  • Сакъламагъан затынга джолукъсанг, не бек къууанаса, не бек ачыйса.
  • Чёбню кёлтюрсенг, тюбюнден сёз чыгъар.
  • Этни бети бла шорпасы.
  • Ургъан суудан башынгы сакъла.
  • Байны къызы баймакъ болса да, юйде къалмаз!
  • Аман адам элни бир-бирине джау этер.
  • Нафысынгы айтханын этме, намысынгы айтханын эт.
  • Чакъырылмагъан къонакъ къачан кетерин сормаз.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Узун джолну барсанг, бюгюн келирсе, къысха джолну барсанг, тамбла келирсе.
  • Джюрекден джюрекге джол барды.
  • Иши джокъну, сыйы джокъ.
  • Тулпарлыкъ, билекден тюл – джюрекден.
  • Этек чакъмакълары баш джаргъан, сёлешген сёзлери таш джаргъан.
  • Ёзденликни джайгъан – джокълукъ.
  • Аллахха ийнаннган кишини, Аллах онгдурур ишин.
  • Алим болгъандан эсе, адам болгъан къыйынды.
  • Кёлю джокъну – джолу джокъ.
  • Тюкюрюк баш джармаз, налат кёз чыгъармаз!
  • Ашатыргъа иш – ашхы, ишлетирге аш – ашхы.
  • Уллу айтханны этмеген – уллаймаз.
  • Джашлыкъ этмеген, башлыкъ этмез.
  • Насыблы элин сюер, насыбсыз кесин сюер.
  • Чомарт бергенин айтмаз.
  • Аз айтсам, кёб ангылагъыз.
  • Рысхы – насыбха къор.
  • Халкъгъа джарагъан, джарлы къалмаз.
  • Таякъ этден ётер, тил сюекден ётер.
  • Хатерли къул болур.
  • Хар ишни да аллы къыйынды.
  • Иесиз малны бёрю ашар.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 1)

 

Написать нам