Войти на сайт
3 Сентября  2026 года

 

  • Тилчи бир сагъатха айлыкъ хата этер.
  • Ариу сёз – джаннга азыкъ, аман сёз – башха къазыкъ.
  • Эм уллу байлыкъ – джан саулукъ.
  • Келгинчи, къонакъ уялыр, келгенден сора, къонакъбай уялыр.
  • Чакъырылгъанны аты, чакъырылмагъанны багъасы болур.
  • Джыгъылгъанны сырты джерден тоймаз.
  • Аманнга игилик этсенг, юйюнге сау бармазса.
  • Гугурук къычырмаса да, тангны атары къалмаз.
  • Зарда марда джокъ.
  • Бичгенде ашыкъма, тикгенде ашыкъ.
  • Сыфатында болмагъаны, суратында болмаз.
  • Болджал ишни бёрю ашар.
  • Аджашханны ызындагъы кёреди, джангылгъанны джанындагъы биледи.
  • Алма терегинден кери кетмез.
  • Къонагъы джокъну – шоху джокъ.
  • Тау башында, тау болмаз, джангыз терек, бау болмаз.
  • Аман киши кеси юйюнде – къонакъ.
  • Дуния мал дунияда къалады.
  • Тюзню ётмеги тюзде къалса да, тас болмаз.
  • Уясында не кёрсе, учханында аны этер.
  • Ишленмеклик адамлыкъды.
  • Тешик этген тынчды, аны джамагъан къыйынды.
  • Кийимни бир кюнню аясанг, минг кюннге джарар.
  • Билмейме деген – бир сёз
  • Къарыусузгъа кюлме, онгсузгъа тийме.
  • Джырына кёре эжиую.
  • Окъдан джара эртде-кеч болса да бителир, сёз джара, ёмюрге къалыр.
  • Окъумагъан сокъурду, сокъур ташха абыныр!
  • Мал кёб болса, джууукъ кёб болур.
  • Мухарны эси – ашарыкъда.
  • Билими азны – ауузунда кирит.
  • Нёгер болсанг, тенг бол, тенг болмасанг, кенг бол.
  • Байлыкъ адамны сокъур этер.
  • Чомартха хар кюн да байрамды.
  • Джаным-тиним – окъуу, билим.
  • Джаш къарыу бла кючлю, къарт акъыл бла кючлю.
  • Ашхылыкъ джерде джатмайды, аманлыкъ суугъа батмайды.
  • Къуру гыбыт бек дыгъырдар.
  • Джашда акъыл джокъ, къартда къарыу джокъ.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Алим болгъандан эсе, адам болгъан къыйынды.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Эл ауузу – элия.
  • Къолунгдан къуймакъ ашатсанг да, атаны борчундан къутулмазса.
  • Ариу сёз аурууунгу алыр.
  • Арыгъан къош чамчы болур.
  • Гырджын – тепсини тамадасы.
  • Акъыл неден да кючлюдю.
  • Гугук кесини атын айтыб къычыргъанча, мен, мен деб нек тураса?
  • Кёкдеги болмаса, джердегин кёрмейди.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 2)

 

Написать нам