Войти на сайт
26 Июня  2026 года

 

  • Этни да ашады, бетни да ашады.
  • Джумушакъ сёз къаты таякъны сындырыр.
  • Келгинчи, къонакъ уялыр, келгенден сора, къонакъбай уялыр.
  • Джол бла сёзню къыйыры джокъ.
  • Гугурук къычырмаса да, тангны атары къалмаз.
  • Мал кёб болса, джууукъ кёб болур.
  • Накъырданы арты керти болур.
  • Адеб этмеген, адеб кёрмез.
  • Этим кетсе да, сюегим къалыр.
  • Ётюрюкню башын керти кесер.
  • Аш кетер да бет къалыр.
  • Адам сёзге тынгыла, акъыл сёзню ангыла.
  • Тас болгъан бычакъны сабы – алтын.
  • Айтхан сёзюне табылгъан.
  • Башы ишлегенни, ауузу да ишлер.
  • Хар зат кесини орнуна иги.
  • Ёлюр джаннга, ёкюл джокъ.
  • Айран тёгюлсе, джугъусу къалыр.
  • Адамны бетине къарама, адетине къара.
  • Керти сёзге тёре джокъ.
  • Джаш болсун, къыз болсун, акъылы, саны тюз болсун.
  • Аман адам этегингден тутса, кес да къач.
  • Чакъырылмагъан джерге барма, чакъырылгъан джерден къалма.
  • Билмегенинги, билгеннге сор.
  • Тели турса – той бузар.
  • Чыкълы кюнде чыкъмагъан, чыкъса къуру кирмеген.
  • Ашыкъгъан cуу, тенгизге джетмез.
  • Тай асырагъан, атха минер.
  • Ашхы болсанг, атынг чыгъар, аман болсанг, джанынг чыгъар.
  • Акъыл къартда, джашда тюйюлдю – башдады.
  • Къарт болгъан джерде, берекет болур, сабий болгъан джерде, оюн болур.
  • Зарда марда джокъ.
  • Дуния малгъа сатылма, кесингден телиге къатылма.
  • Тилчи тилден къаныкъмаз.
  • Таула не мийик болсала да, аууш табылыр.
  • Абынмазлыкъ аякъ джокъ, джангылмазлыкъ джаякъ джокъ.
  • Чоюнну башы ачыкъ болса, итге уят керекди.
  • Тойну къарнашы – харс, джырны къарнашы – эжиу.
  • Минг тенг да азды, бир джау да кёбдю.
  • Кёбге таш атма.
  • Къаллай салам берсенг, аллай джууаб алырса.
  • Адам боллукъ, атламындан белгили болур.
  • Нарт сёз къарт болмаз.
  • Ач да бол, токъ да бол – намысынга бек бол.
  • Босагъа таш юйге кирмей эди, тыбыр таш эшикге чыкъмай эди.
  • Ашха уста, юйюнде болсун
  • Джылкъыдан – ат чыгъар, тукъумдан – джаш чыгъар.
  • Кёкдеги болмаса, джердегин кёрмейди.
  • Къазанчы аман болса, къазаны къайнамаз.
  • Ариуну – ауруу кёб.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 1)

 

Написать нам