Войти на сайт
3 Сентября  2026 года

 

  • Сагъыш – къартлыкъгъа сюйюмчю.
  • Тай асырагъан, атха минер.
  • Тамбла алтындан бюгюн багъыр ашхы.
  • Адам туугъан джеринде, ит тойгъан джеринде.
  • Билим насыб берир, билим джолну керир.
  • Баланы адам этген анады.
  • Тамчы таш тешер.
  • Эл элде бирер малынг болгъандан эсе, бирер тенгинг болсун.
  • Джашлыкъ этмеген, башлыкъ этмез.
  • Къыйынлы джети элге оноу этер.
  • Джиби бир къат джетмей эди да, эки къат тарта эди.
  • Сёз садакъдан кючлюдю.
  • Сёз къанатсыз учар.
  • Тыш элде солтан болгъандан эсе, кесинги элде олтан болгъан игиди!
  • Ёлген ийнек сютлю болур.
  • Битмегеннге сакъал – танг.
  • Артына баргъанны, къатына барма.
  • Суугъа – таянма, джаугъа – ийнанма.
  • Къыйынлы джети элни къайгъысын этер.
  • Ойнай билмеген, оюн бузар.
  • Бёрю да ач къалмасын, эчки да ашалмасын.
  • Билимден уллу байлыкъ джокъду.
  • Тулпарлыкъ, билекден тюл – джюрекден.
  • Сёз сёзню айтдырыр.
  • Ашлыкъ – бюртюкден, джюн – тюкден.
  • Телини эшигин, махтау джабар.
  • Юйлю уругъа ит чабмаз.
  • Эллинг бла джау болсанг да, юйюнг бла джау болма.
  • Биреуге кёлтюрген таягъынг, кесинги башынга урур.
  • Къобан да къуру да къобханлай турмайды, адам да къуру да патчахлай турмайды.
  • Биреу ашаб къутулур, биреу джалаб тутулур.
  • Байма, деб да, къууанма, джарлыма, деб да, джылама.
  • Эринчекни аурууу – кёб.
  • Аллахха ийнаннган кишини, Аллах онгдурур ишин.
  • Джетген къыз джерли эшекни танымаз.
  • Чомарт къолда мал къалмаз.
  • Керек ташны ауурлугъу джокъ.
  • Ёгюзню мюйюзлери ауурлукъ этмейдиле.
  • Окъугъан – асыу, окъумагъан – джарсыу.
  • Тамырсыз терекге таянма – джыгъылырса.
  • Джыгъылгъанны сырты джерден тоймаз.
  • Байны оноуу, джарлыгъа джарамаз.
  • Эркиши – от, тиширыу – суу.
  • Къан бла кирген, джан бла чыгъар.
  • Адам сёзюнден белгили.
  • Ашхы адам – халкъ байлыгъы, ашхы джер – джашау байлыгъы.
  • Эл бла кёргенинг эрелей.
  • Насыблы элин сюер, насыбсыз кесин сюер.
  • Джумушакъ сёз къаты таякъны сындырыр.
  • Аман адам этегингден тутса, кес да къач.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 2)

 

Написать нам