Войти на сайт
26 Июня  2026 года

 

  • Шекер бла туз – бир болмаз, ушамагъан – юй болмаз.
  • Айранны сюйген, ийнек тутар.
  • Халкъны джырын джырласанг, халкъ санга эжиу этер.
  • Эр абынмай, эл танымаз.
  • Ёксюзню къалачы уллу кёрюнюр.
  • Ёпкелегенни ашы татлы болады.
  • Джаш къарыу бла кючлю, къарт акъыл бла кючлю.
  • Борчунг бар эсе, хурджунунга ойлаб узал.
  • Юйюнгден чыкъдынг – кюнюнгден чыкъдынг.
  • Ауругъанны сау билмез, ач къарынны токъ билмез.
  • Къозулугъунда тоймагъан, къойлугъунда тоймаз.
  • Айыбны суу бла джууалмазса.
  • Малны кют, джерни тюрт.
  • Бёрю да ач къалмасын, эчки да ашалмасын.
  • Адамны адамлыгъы къыйынлыкъда айгъакъланады.
  • Окъ къызбайны джокълайды.
  • Аш берме да, къаш бер.
  • Иги адамны бир сёзю эки болмаз.
  • Бир абыннган – минг сюрюнюр.
  • Тамырсыз терекге таянма – джыгъылырса.
  • Ана къойну – балагъа джандет.
  • Нафысынгы айтханын этме, намысынгы айтханын эт.
  • Сыфатында болмагъаны, суратында болмаз.
  • Къолу уллу – асыу, аягъы уллу – джарсыу.
  • Бир онгсуз адам адет чыгъарды, деб эштирик тюлсе.
  • Сакъалы текени да бар, мыйыгъы киштикни да бар.
  • Джарлы тюеге минсе да, ит къабар.
  • Арбаз сайлама да, хоншу сайла.
  • Кимни – тили, тиши онглу, кимни – къолу, иши онглу.
  • Кютгени беш эчки, сызгъыргъаны уа, джерни джарады.
  • Ашатыргъа иш – ашхы, ишлетирге аш – ашхы.
  • Ауузу бла къуш тута айланады.
  • Эки итни арасына сюек атма, эки адамны арасында сёз чыгъарма.
  • Сёз – кюмюш, джыр – алтын.
  • Чабакъсыз кёлге къармакъ салгъанлыкъгъа, чабакъ тутмазса.
  • Юйюнг бла джау болгъандан эсе, элинг бла джау бол.
  • Джолда аягъынга сакъ бол, ушакъда тилинге сакъ бол.
  • Тилсиз миллет джокъ болур.
  • Бозанг болмагъан джерге, къалагъынгы сукъма.
  • Окъугъанны бети джарыкъ.
  • Тынгылагъан тынгы бузар.
  • Намыс сатылыб алынмайды.
  • Ат да турмайды бир териде.
  • Ашына кёре табагъы, балына кёре къалагъы.
  • Къызбайны юйюне дери сюрсенг, батыр болур.
  • Элге къуллукъ этмеген, элге ие болмаз.
  • Ашда уялгъан – мухар, ишде уялгъан – хомух.
  • Хаухну атма, ёнгкючню сатма.
  • Къатыны харакетли болса, эри къымсыз болур.
  • Ёлген ийнек сютлю болур.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 4)

 

Написать нам