Войти на сайт
26 Июня  2026 года

 

  • Аджашхан тёгерек айланыр.
  • Рысхы джалгъанды: келген да этер, кетген да этер.
  • Танг атмайма десе да, кюн къоярыкъ тюйюлдю.
  • Биреуге кёлтюрген таягъынг, кесинги башынга урур.
  • Элиб деген, элге болушур.
  • Къуру гыбыт бек дыгъырдар.
  • Къоркъакъны кёзю экили кёрюр.
  • Кийиминг бла танылма, адамлыкъ бла таныл.
  • Аш берме да, къаш бер.
  • Къолунгдан къуймакъ ашатсанг да, атаны борчундан къутулмазса.
  • Тели турса – той бузар.
  • Ишленмеген джаш – джюгенсиз ат, ишленмеген къыз – тузсуз хант.
  • Къыз тиширыу кеси юйюнде да къонакъды.
  • Билмегенинги, билгеннге сор.
  • Къарны аманнга къазан такъдырма, къолу аманнга от джакъдырма.
  • Адебни адебсизден юрен.
  • От этилмеген джерден тютюн чыкъмайды.
  • Биреуню къыйынлыгъы бла кесинге джол ишлеме.
  • Адамны сыфатына къарама, сёзюне къара.
  • Сескекли кесин билдирир.
  • Билимден уллу байлыкъ джокъду.
  • Къатын байлыкъны сюер, эр саулукъну сюер.
  • Акъыллы – эл иеси, тели – эл баласы.
  • Таукел адам тау тешер.
  • Аш хазыр болса, иш харам болур.
  • Тойгъанлыкъ къойгъа джарашады.
  • Хаухну атма, ёнгкючню сатма.
  • Бек анасы джыламаз.
  • Къартны бурнун сюрт да, оноугъа тут.
  • Эринчекге кюн узун.
  • Магъанасыз сёз – тауушсуз сыбызгъы.
  • Биреу къой излей, биреу той излей.
  • Хар сёзню орну барды.
  • Тойгъан джерден туугъан джер игиди.
  • Итли къонакъ джарашмаз.
  • Эл тойса, тоймагъан, эл къойса, къоймагъан.
  • Шекер бла туз – бир болмаз, ушамагъан – юй болмаз.
  • Суу ичген шауданынга тюкюрме.
  • Ишин билген, аны сыйын чыгъарады.
  • Къарын къуру болса, джюрек уру болур.
  • Джарлы тюеге минсе да, ит къабар.
  • Къыз келсе, джумуш эте келеди, къатын келсе, ушакъ эте келеди.
  • Адеб джокъда, намыс джокъ.
  • Юй кюйдю да, кюйюз чыкъды, ортасындан тюйюш чыкъды.
  • Окъуусуз билим – джокъ, билимсиз кюнюнг – джокъ.
  • Ойнай билмеген, оюн бузар.
  • Кесинге джетмегенни, кёб сёлешме.
  • Босагъагъа джууукъ орун болса, ашыгъыб тёрге озма.
  • Рысхы – насыбха къор.
  • Джан саулукъ бермей, сан саулукъ бермезсе.

 

Страницы: Пред. 1 ... 14 15 16 17 18 След.
RSS
Къарачай-малкъар халкъны нарт сёзлери
 
Теманы атын тюрлендирдим. Авторну огъайы джокъду
 
Уллу атлама - абынырса, уллу кабма - къарылырса.



Биреу келиб сени керсе,
Тёредеча салам берсе,
Ёрге къобуб джууаб эт:
Алайды таулу адет!!!
 
Исси сютню уртлаб ауузун кюйдюрген,
Суукъ суунуда юфкюрюб уртлайды,
Джлда бара, аягъын ташха ургъан,
Андан сора эслеб-эслеб атлайды!
 
Къыз сабийни башха юйде джатдырма,
Джаш сабийге тюкен хантны къабдырма!
 
Тели бла не хош болма, не къош болма

Тели бла аш ашагъандан эсе, акъыллы бла таш ташыгъан игиди

джетген къыз джерли эшекни танымаз

Акъыллыгъа айтсанг - билир, телиге айтсан кюлюр
 
Абу АминТели бла не хош болма, не къош болма
 
Иги келин- къыздан иги, иги кюёу-джашдан иги.

Иги болса къатынынг, таркъаймайды акъылынг.

Иги алгъыш этер, аман къаргъыш этер.

Иги юй бийче тюй бюртюкден как этер.
 
Ахшы ишни болжалгъа салма,аман ишни болжалдан алма.
Кюн кёрмеген кюн кёрсе,кюндюз чыракъ жандырыр.
Таш бла ургъанны аш дла ур.
 
Акъыл бла адамлыкъ - бирди.

Ач эсенг - аша, туугъан эсенг - жаша.

Ач эсенг - тишле, жарлы эсенг ишле.

Билим - акъылынга кере, байлыкъ - насыбынга кере.

Къолу ачыкъны жолу ачыкъ.
 
Анаева Аида
Бызынгыдан тюйюлмюсе?
 
Джаш сабийге тюкен хантны къабдырма!
 
Кирли къатынга сокъур эр керекди.

Келечиси кёб къатынсыз къалыр.
 
КергеленКирли къатынга сокъур эр керекди.
Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур
 
Салам!

Кирли къатынга сокъур эр керекди

Савершенна тюппе тюз. мындан ары къайры джынгырдатырыкъса, къайры зынгырдатырыкъса. Менича бир эринчекни юсюнден айтыла болур

Не льсти себя надеждой Манюш, ты в этот список не входишь. :ROSE))))

Тырманчы къатын алгъандан эсе, къатынсыз къал.
Тырманчы-- ворчливая, сварливая....

Акъыллы эркиши атын махтар,
Акъылсыз эркиши къатынын махтар.
 
Ата джурт -алтын терек.

Ата джуртуму башы болмасам да,
Босагъасыны ташы болаим.

Ата джуртну къоругъан озар,
Къорумагъан тозар.
 
Эшек гылыуун бек сюер.
 
Насып-намыслы юйге къонакъды, намысзыз юйге-джомакъды.
Намыс этмеген намыс тапмаз


Ачылгъан эт джабылыр, кёрген кёз унутмаз

Джашлыкъда джылынга сыйын, къартлыкъда сыйынга сыйын
 
Джангылгъанны тилин джыртма, абыннганны бутун къыркъма
 
Moon)
Джангылгъанны тилин джыртма, абыннганны бутун къыркъма
Бизде уа былай этерег хазыр болуб туралла. Сора ким болсада джангылса, аны табалаб, кёл кенгдириб, къууаныб
 
Таукелни къабыры нюр джанар
 
ДЖерине кёре- битими.

Джумушакъ терекни къурт ашар.

Джукълагъанга кече -къысха,сакълагъанга-узун.
 
Эшек мюйюзле салдырама деп,къулакъларын кесдиртген эди.
Чыбыкълыгъында бюгюлмеген,къазыкълыгъында бюгюлмез.
Жангыз терек къыннгыр ёсер.
 
Джашлыкъ билмез, къартлыкъ эталмаз(Если бы молодость знала, старость бы могла)
 
байны арбазын джарлы сакълар
 
Иги алгъыш этер,аман къаргъыш этер.

Игини аты унутулмаз.

Иги келсе къут, аман келсе джут.
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Страницы: Пред. 1 ... 14 15 16 17 18 След.
Читают тему (гостей: 5)

 

Написать нам