- Билеги кючлю, бирни джыгъар, билими кючлю, мингни джыгъар.
- Суу ичген шауданынга тюкюрме.
- Къралынгы – душмандан, башынгы от бла суудан сакъла.
- Айранын берсенг, челегин да къызгъанма.
- Джаханимни кёрмей, джандетге кёл салмазса.
- Тилчи тилден къаныкъмаз.
- Къыз тиширыу кеси юйюнде да къонакъды.
- Шайтан алдады, тюзлюк къаргъады.
- Сууда джау джокъ, кёб сёзде магъана джокъ.
- Джюз элде джюз ёгюзюм болгъандан эсе, джюз джууугъум болсун.
- Тил – кесген бычакъ, сёз – атылгъан окъ.
- Биреуню эскиси биреуге джангы болмайды.
- Огъурлуну сёзю – суу, огъурсузну сёзю – уу.
- Кёб къычыргъандан – къоркъма, тынч олтургъандан – къоркъ.
- Сормай – алма, чакъырылмай – барма.
- Акъыллы айтыр эди, акъылсыз къоймайды.
- Оюмсуз атлагъан, аджалсыз ёлюр.
- Элни кючю – эмеген.
- Къуллукъчума, деб махтанма, къуллукъ – хаух джамчыды!
- Ашда уялгъан – мухар, ишде уялгъан – хомух.
- Татлы тилде – сёз ариу, чемер къолда – иш ариу.
- Келинни – келгинчи, бёркню кийгинчи кёр.
- Термилгенинги табмазса, кюлгенинге тюберсе.
- Иги сёз – джаннга азыкъ, аман сёз башха – къазыкъ.
- Ариуну – ауруу кёб.
- Тойгъан джерден туугъан джер игиди.
- Сескекли кесин билдирир.
- Терек ауса, отунчу – кёб.
- Кёкдеги болмаса, джердегин кёрмейди.
- Байлыкъ келсе, акъыл кетер.
- Акъыл къартда, джашда тюйюлдю – башдады.
- Насыб бютеу халкъны юлюшюдю.
- Къалгъан ишге къар джауар.
- Юй ишлеген балта эшикде къалыр.
- Сёз садакъдан кючлюдю.
- Чабар ат – джетген къыз.
- Джюрек кёзден алгъа кёрюр.
- Билген билмегенни юретген адетди.
- Агъач – джерни чырайы, кийим – эрни чырайы.
- Айтхан – тынч, этген – къыйын.
- Чыбыкълыкъда бюгюлмеген, къазыкълыкъда бюгюлмей эди.
- Ёксюзню тилеги къабыл болур.
- Ашда – бёрю, ишде – ёлю.
- Ишлерге уял да, ашаргъа табма.
- Мураты болгъанны джюрек тебюую башхады.
- Къызгъанчдан ычхыныр, мухардан ычхынмаз.
- Тойну къарнашы – харс, джырны къарнашы – эжиу.
- Адамны аты башхача, акъылы да башхады.
- Къазанчы аман болса, къазаны къайнамаз.
- Чакъырылмай келген къонакъ сыйланмай кетер.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 9)