- Келинин тута билмеген, къул этер, къызын тута билмеген, тул этер.
- Окъуусуз билим – джокъ, билимсиз кюнюнг – джокъ.
- Телиге от эт десенг, юйюнге от салыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эрни эр этерик да, къара джер этерик да, тиширыуду.
- Насыблы элин сюер, насыбсыз кесин сюер.
- Байлыкъ болгъан джерде, тынчлыкъ джокъду.
- Чёбню кёлтюрсенг, тюбюнден сёз чыгъар.
- Джангыз торгъай джырламаз.
- Билим ат болуб да чабар, къуш болуб да учар.
- Акъыллы – эл иеси, тели – эл баласы.
- Тамырсыз терекге таянма – джыгъылырса.
- Ёксюзню тилеги къабыл болур.
- Джахил болса анасы, не билликди баласы?
- Аш кетер да бет къалыр.
- Мухарны эси – ашарыкъда.
- Акъылсызны джууукъгъа алма, акъыллыны кенгнге салма.
- Адам къаллай бир ишленмесе, аллай бир кесин уллу кёреди.
- Aдам боллукъ, сыфатындан белгили.
- Кёпюр салгъан кеси ётер, уру къазгъан кеси кетер.
- Шапа кёб болса, аш татымсыз болур.
- Тойгъан джерден туугъан джер игиди.
- Зарда марда джокъ.
- Хатерли къул болур.
- Тюзлюк тас болмайды.
- Этни да ашады, бетни да ашады.
- Адам сёзюнден белгили.
- Асхат ашлыкъ сата, юйдегиси ачдан къата.
- Айыбны суу бла джууалмазса.
- Тулпарлыкъ, билекден тюл – джюрекден.
- Ёлюр джаннга, ёкюл джокъ.
- Тёрени джагъы джокъ.
- Билимли ёлмез, билимсиз кёрмез.
- Биреуге аманлыкъ этиб, кесинге игилик табмазса.
- Къонакъ кёб келюучю юйню, къазаны отдан тюшмез.
- Адамгъа аман кюн соруб келмейди.
- Юйюнгден чыкъдынг – кюнюнгден чыкъдынг.
- Аманны тукъумуна къарама, игини тукъумун сорма.
- Джыланны къуйругъундан басарынг келсе, аны башы болгъанын унутма.
- Келлик заман – къартлыкъ келтирир, кетген заман – джашлыкъ ёлтюрюр.
- Элни кючю – эмеген.
- Адам къыйынлыгъын кёлтюрюр, зауукълугъун кёлтюрмез.
- Дуния мал дунияда къалады.
- Джюрекден джюрекге джол барды.
- Экеулен сёлеше тура эселе, орталарына барыб кирме.
- Чабакъ башындан чирийди.
- Адамны сабийин сюйген джюреги, бычакъча, джитиди.
- Ханы къызы буюгъа-буюгъа киштик болду.
- Келгинчи, къонакъ уялыр, келгенден сора, къонакъбай уялыр.
- Чомартха Тейри да борчлуду.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 2)