- Тюзлюк тас болмайды.
- Билим насыб берир, билим джолну керир.
- Къарт айтханны этмеген, къартаймаз.
- Болджал ишни бёрю ашар.
- Окъуу – билимни ачхычы, окъуу – дунияны бачхычы.
- Ауузу аманнга «иги», деме.
- Бек анасы джыламаз.
- Эрине къаргъыш этген къатын, эрнин къабар.
- Эл ауузу – элек, анга ийнаннган – халек.
- Ауругъанны сау билмез, ач къарынны токъ билмез.
- Кёб джашагъан – кёб билир.
- Аш иеси бла татлыды.
- Чабакъгъа акъыл, табагъа тюшсе келеди.
- Кёлсюзден сёзсюз тууар.
- Ишни аллы бла къууанма да, арты бла къууан.
- Келлик заман – къартлыкъ келтирир, кетген заман – джашлыкъ ёлтюрюр.
- Ашлыкъны арба юйге келтирир, чана базаргъа элтир.
- Хазыр ашха – терен къашыкъ.
- Рысхы – насыбха къор.
- Ашына кёре табагъы, балына кёре къалагъы.
- Кёб джат да, бек чаб.
- Кёлю джокъну – джолу джокъ.
- Джаш болсун, къыз болсун, акъылы, саны тюз болсун.
- Къызны минг тилер, бир алыр.
- Аллахдан тилесенг, кёб тиле.
- Къошда джокъгъа – юлюш джокъ.
- Алтыда кюлмеген, алтмышда кюлмез.
- Аурууну келиую тынч, кетиую – къыйын.
- Къая джолда джортма, ачыкъ сёзден къоркъма.
- Ишни ахырын ойламай, аллын башлама.
- Тай асырагъан, атха минер.
- Аман адамны тепсинге олтуртсанг, къызынгы тилер.
- Джиби бир къат джетмей эди да, эки къат тарта эди.
- Джаханимни кёрмей, джандетге кёл салмазса.
- Къан бла кирген, джан бла чыгъар.
- Ата джурт – алтын бешик.
- Къыз келсе, джумуш эте келеди, къатын келсе, ушакъ эте келеди.
- Эки ойлашыб, бир сёлешген.
- Ашхы – джыяр, аман – джояр.
- Иги – алгъыш этер, аман – къаргъыш этер.
- Ёмюрлюк шохлукъну джел элтмез.
- Къобан да къуру да къобханлай турмайды, адам да къуру да патчахлай турмайды.
- Шекер бла туз – бир болмаз, ушамагъан – юй болмаз.
- Ашхылыкъ джерде джатмайды, аманлыкъ суугъа батмайды.
- Ариу сёз – къылычдан джити.
- Бозанг болмагъан джерге, къалагъынгы сукъма.
- Сакъламагъан затынга джолукъсанг, не бек къууанаса, не бек ачыйса.
- Джырына кёре эжиую.
- Аджалсыз ёлюм болмаз.
- Кёзню ачылгъаны – иги, ауузну джабылгъаны – иги.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)