- Таукел къуру къалмаз.
- Окъугъанны бети джарыкъ.
- Джарлыны эшигин махтагъан джабар.
- Ач келгенни – тойдур, кеч келгенни – къондур.
- Ашарыкъда сайлагъаннга – чий гырджын.
- Эки ойлашыб, бир сёлешген.
- Айтханы чапыракъдан ётмеген.
- Адамны сыфатына къарама, сёзюне къара.
- Джангыз терек къынгыр ёсер.
- Бек ашыкъгъан меннге джетсин, дегенди аракъы.
- Окъугъан – асыу, окъумагъан – джарсыу.
- Аууз сакълагъан – джан сакълар.
- Тыш элде солтан болгъандан эсе, кесинги элде олтан болгъан игиди!
- Кюл тюбюндеги от кёрюнмейди.
- Кёбню кёрген – кёб билир.
- Зар адамны насыбы болмаз.
- Акъыл неден да кючлюдю.
- Агъач халкъгъа алтынды, иссиликге салкъынды.
- Байма, деб да, къууанма, джарлыма, деб да, джылама.
- Ач – эснер, ат – кишнер.
- Тойну къарнашы – харс, джырны къарнашы – эжиу.
- Аууздан келген, къолдан келсе, ким да патчах болур эди.
- Адамны аманы адамны бети бла ойнар.
- Ашын ашагъанынгы, башын да сыйла.
- Эркиши – от, тиширыу – суу.
- Тешигини къатында, чычхан да батыр болур.
- Чакъырылмагъан къонакъ – орунсуз.
- Къонакъ хазыр болгъанлыкъгъа, къонакъбай хазыр тюлдю.
- Ичимден чыкъды хата, къайры барайым сата?
- Аманны къуугъан, аманлыкъ табар.
- Кёзден кетген, кёлден да кетеди.
- Джолунга кёре – джюрюшюнг, джагъанга кёре – юлюшюнг.
- Къазанчы аман болса, къазаны къайнамаз.
- Баш болса, бёрк табылыр.
- Чомарт къолда мал къалмаз.
- Ашхы атаны – джашы ашхы, ашхы ананы – къызы ашхы.
- Дженгил джетерикме деб, узун джолну къоюб, къысхасын барма.
- Экеулен сёлеше тура эселе, орталарына барыб кирме.
- Суугъа – таянма, джаугъа – ийнанма.
- Адамны бетине къарама, адетине къара.
- Юйюнгден чыкъдынг – кюнюнгден чыкъдынг.
- Чыбыкълыкъда бюгюлмеген, къазыкълыкъда бюгюлмей эди.
- Тили узунну, намысы – къысха.
- Ишленмеклик адамлыкъды.
- Юй кюйдю да, кюйюз чыкъды, ортасындан тюйюш чыкъды.
- Ачылгъан эт джабылыр, кёрген кёз унутмаз.
- Чакъырылмагъан къонакъ къачан кетерин сормаз.
- Акъыллы айтыр эди, акъылсыз къоймайды.
- Азыкъ аз болса, эртде орун сал.
- Джырына кёре эжиую.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 2)