- Эр абынмай, эл танымаз.
- Нёгер болсанг, тенг бол, тенг болмасанг, кенг бол.
- Ёлмесенг да, къарт дамы болмазса?
- Мал кёб болса, джууукъ кёб болур.
- Ашлыкъны арба юйге келтирир, чана базаргъа элтир.
- Хатерли къул болур.
- Ишлегенден, къарагъан уста.
- Шекер бла туз – бир болмаз, ушамагъан – юй болмаз.
- Ач отунчуну ачыуу – бурнунда.
- Айтхан – тынч, этген – къыйын.
- Къызын тута билмеген, тул этер, джашын тута билмеген, къул этер.
- Биреуге аманлыкъны тилеме да, кесинге ашхылыкъны тиле.
- Джеринден айырылгъан – джети джылар, джуртундан айырылгъан – ёлгюнчю джылар.
- Чомарт къолда мал къалмаз.
- Артына баргъанны, къатына барма.
- От этилмеген джерден тютюн чыкъмайды.
- Ашхы сёз таш тешер.
- Азыгъы аз, алгъа къабар, аты аман, алгъа чабар.
- Къыз тиширыу кеси юйюнде да къонакъды.
- Телиге от эт десенг, юйюнге от салыр.
- Урунуу – насыбны анасы.
- Хантына кёре тузу, юйюне кёре къызы.
- Эллинг бла джау болсанг да, юйюнг бла джау болма.
- Тойгъан джерден туугъан джер игиди.
- Таш ата билмеген, башына урур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Арбаз къынгырды да, ийнек сауалмайма.
- Байдан умут эте, джарлыдан ёгюз багъасы къорады.
- Тойну къарнашы – харс, джырны къарнашы – эжиу.
- Иги – алгъыш этер, аман – къаргъыш этер.
- Сютню башын джалагъан къутулур, тюбюн ичген тутулур.
- Ёлген аслан – сау чычхан.
- Сабийни джумушха джибер да, ызындан бар.
- Айтылгъан буйрукъ, сёгюлмез
- Эски джаугъа ышанма.
- Айран ичген – къутулду, джугъусун джалагъан – тутулду.
- Чакъырылмагъан къонакъ къачан кетерин сормаз.
- Эм уллу байлыкъ – джан саулукъ.
- Адамны сабийин сюйген джюреги, бычакъча, джитиди.
- Хата – гитчеден.
- Ханы къызы буюгъа-буюгъа киштик болду.
- Чомартха хар кюн да байрамды.
- Махтаннган къыз, тойда джукълар.
- Ачлыкъ отха секиртир.
- Ариу джол аджал келтирмез.
- Байны къызы баймакъ болса да, юйде къалмаз!
- Кесинге джетмегенни, кёб сёлешме.
- Эки итни арасына сюек атма, эки адамны арасында сёз чыгъарма.
- Эри аманны, къатыны – аман.
- Ичимден чыкъды хата, къайры барайым сата?
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 26)