- Къоркъакъны кёзю экили кёрюр.
- Байма, деб да, къууанма, джарлыма, деб да, джылама.
- Хазыр ашха – терен къашыкъ.
- Билгенни къолу къарны джандырыр.
- Тойгъан антын унутур.
- Ашыкъгъан cуу, тенгизге джетмез.
- Зарда марда джокъ.
- Алтыннга тот къонмаз.
- Булут кёкге джарашыу, уят бетге джарашыу.
- Шекер бла туз – бир болмаз, ушамагъан – юй болмаз.
- Намысы джокъну – дуниясы джокъ.
- Ашхы болсанг, атынг чыгъар, аман болсанг, джанынг чыгъар.
- Аман къатын сабий табса, бий болур…
- Таула не мийик болсала да, аууш табылыр.
- Алтыда кюлмеген, алтмышда кюлмез.
- Адеб джокъда, намыс джокъ.
- Азыкълы ат арымаз, къатыны аман джарымаз.
- Джаш болсун, къыз болсун, акъылы, саны тюз болсун.
- Билмезни кёзю кёрмез, этмезни къулагъы эшитмез.
- Кёз – сюйген джерде, къол – ауругъан джерде.
- Бек ашыкъгъан меннге джетсин, дегенди аракъы.
- Къаллай салам берсенг, аллай джууаб алырса.
- Халкъны юйю – туугъан джери.
- Ариу сёзде ауруу джокъ.
- Чакъырылмагъан джерге барма, чакъырылгъан джерден къалма.
- Кёл – къызбай, къол – батыр.
- Юреннген ауруу къалмаз.
- Келинин тута билмеген, къул этер, къызын тута билмеген, тул этер.
- Адамгъа аман кюн соруб келмейди.
- Туз, гырджын аша, тюзлюк бла джаша.
- Сибиртки да сыйлы болду, кюрек да кюнлю болду.
- Ётюрюкчюню шагъаты – къатында.
- Тилчи бир сагъатха айлыкъ хата этер.
- Бет бетге къараса, бет да джерге къарар.
- Хаухну атма, ёнгкючню сатма.
- Биреуню къыйынлыгъы бла кесинге джол ишлеме.
- Джумушакъ терекни къурт ашар.
- «Ёгюз, джаргъа джууукъ барма, меннге джюк боллукъса», - дегенди эшек.
- Телини эшигин, махтау джабар.
- Арпа, будай – ащды, алтын, кюмюш а – ташды.
- Гитче джилтин уллу элни джандырыр.
- Чабакъсыз кёлге къармакъ салгъанлыкъгъа, чабакъ тутмазса.
- Чомарт бергенин айтмаз.
- Миллетни бойну – базыкъ, аны бла кюрешген – джазыкъ.
- Сёлеш деб шай берген, тохта деб, сом берген.
- Нарт сёз къарт болмаз.
- Баш болса, бёрк табылыр.
- Иги джашны ышаны – аз сёлешиб, кёб тынгылар.
- Къуру гыбыт бек дыгъырдар.
- Насыб бютеу халкъны юлюшюдю.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)