- Билген билмегенни юретген адетди.
- Байлыкъдан саулукъ ашхыды.
- Чомартны къолу берекет.
- Артына баргъанны, къатына барма.
- Ёгюзню мюйюзлери ауурлукъ этмейдиле.
- Суугъа – таянма, джаугъа – ийнанма.
- Тели турса – той бузар.
- Тынгылагъан тынгы бузар.
- Къыйынлы джети элге оноу этер.
- Тойгъан джерден туугъан джер игиди.
- Къыз чыгъаргъан – къызыл къымжа.
- Окъугъан – асыу, окъумагъан – джарсыу.
- Келгинчи, къонакъ уялыр, келгенден сора, къонакъбай уялыр.
- Ана къолу ачытмаз.
- Чомарт къонакъ юй иесин сыйлар.
- Джол бла сёзню къыйыры джокъ.
- Намыс болмагъан джерде, насыб болмаз.
- Термилгенинги табмазса, кюлгенинге тюберсе.
- Джети тилни билген джети кишиди.
- Хунаны тюбюн къазсанг, юсюнге ауар.
- Къарны аманнга къазан такъдырма, къолу аманнга от джакъдырма.
- Тау башында, тау болмаз, джангыз терек, бау болмаз.
- Къонакъ аз олтурур, кёб сынар.
- Таугъа чыгъаллыкъ эсенг, тюзде къалма.
- Къызын тута билмеген, тул этер, джашын тута билмеген, къул этер.
- Ач къарным, тынч къулагъым.
- Сибиртки да сыйлы болду, кюрек да кюнлю болду.
- Татлы тилде – сёз ариу, чемер къолда – иш ариу.
- Тамчы таш тешер.
- Ётюрюкню башын керти кесер.
- Игини сыйлагъан адетди.
- Ишлегенде эринме, ишде чолакъ кёрюнме.
- Алтыннга тот къонмаз.
- Огъурлуну сёзю – суу, огъурсузну сёзю – уу.
- Джумушакъ сёз къаты таякъны сындырыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Айтылгъан сёз ызына къайтмаз.
- Ишни ахырын ойламай, аллын башлама.
- Иги адам абынса да, джангылмаз.
- Тойгъа алгъа да барма, тойда артха да къалма.
- Къызны минг тилер, бир алыр.
- Аманнга да, игиге да оноусуз къатышма.
- Ашатыргъа иш – ашхы, ишлетирге аш – ашхы.
- Бёрю да ач къалмасын, эчки да ашалмасын.
- Тойгъанлыкъ къойгъа джарашады.
- Тойгъа барсанг, тоюб бар, эски тонунгу къоюб бар.
- Алим болгъандан эсе, адам болгъан къыйынды.
- Къан бла кирген, джан бла чыгъар.
- Ёлген ийнек сютлю болур.
- Уллу сёлешме да, уллу къаб.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)