- Тюз сёз баргъан сууну тыяр.
- Иги адам абынса да, джангылмаз.
- Айраннга суу къош, телиге джол бош.
- Дуния аламаты сен эсенг да, игиме деб айтма.
- Арбаз къынгырды да, ийнек сауалмайма.
- Ишин билген, аны сыйын чыгъарады.
- Намыс болмагъан джерде, насыб болмаз.
- Къартха ушагъан джаш – акъыллы, джашха ушагъан къарт – тели.
- Къыз келсе, джумуш эте келеди, къатын келсе, ушакъ эте келеди.
- Эшекни не къадар тюйсенг да, ат болмаз.
- Аманнга алтын чыдамаз.
- Харам къарнашдан, халал тенг ашхы.
- Эли джокъну – кёлю джокъ.
- Ётюрюкчюню шагъаты – къатында.
- Айран тёгюлсе, джугъусу къалыр.
- Сабийликде юретмесенг, уллу болса – тюзелмез.
- Эринчекге кюн узун.
- Сууда джау джокъ, кёб сёзде магъана джокъ.
- Бичгенде ашыкъма, тикгенде ашыкъ.
- Мухар, кеси тойса да, кёзю тоймаз.
- Эртде тургъан бла эртде юйленнген сокъуранмаз.
- Джюрекден джюрекге джол барды.
- Къыйынлы джети элни къайгъысын этер.
- Садакъачыны джаны – къапчыгъында.
- Татлы сёз – балдан татлы.
- Къонакъны къачан кетерин сорма, къачан келлигин сор.
- Асхат ашлыкъ сата, юйдегиси ачдан къата.
- Ач уят къоймаз.
- От кюйдюрген, сау болса да, тот кюйдюрген, сау болмаз.
- Къуру гыбыт бек дыгъырдар.
- Кечеси – аяз, кюню – къыш, джарлы къаргъагъа бир аш тюш!
- Тойгъанлыкъ къойгъа джарашады.
- Кюн кёрмеген, кюн кёрсе, кюндюз чыракъ джандырыр.
- Джаралыны джастыгъында сау ёлюр.
- Сескекли кесин билдирир.
- Окъугъан – асыу, окъумагъан – джарсыу.
- Чарсда алчыны эл кёреди.
- Эм уллу байлыкъ – джан саулукъ.
- Тиширыусуз юй – отсуз от джагъа.
- Ашхы сёз таш тешер.
- Агъач халкъгъа алтынды, иссиликге салкъынды.
- Алим болгъандан эсе, адам болгъан къыйынды.
- Эл тойса, тоймагъан, эл къойса, къоймагъан.
- Алтыда кюлмеген, алтмышда кюлмез.
- Акъдан къара болмаз.
- Рысхы – насыбха къор.
- Аманнга игилик этсенг, юйюнге сау бармазса.
- Уллу айтханны этмеген – уллаймаз.
- Чомартны къолу берекет.
- Аман эсирсе, юйюн ояр.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 2)