- Ойнай билмеген, уруб къачар.
- Бир абыннган – минг сюрюнюр.
- Тил – миллетни джаны.
- Тенгни тенглиги джашай барсанг билинир.
- Къазанчы аман болса, къазаны къайнамаз.
- Ариу сёз – къылычдан джити.
- Кимни – тили, тиши онглу, кимни – къолу, иши онглу.
- Ёксюзню къалачы уллу кёрюнюр.
- Огъурлуну сёзю – суу, огъурсузну сёзю – уу.
- Сабыр джетер муратха, сабырсыз къалыр уятха.
- Тюз сёз баргъан сууну тыяр.
- Джырчы ёлсе, джыры къалыр.
- Адеб базарда сатылмаз.
- Сёлеш деб шай берген, тохта деб, сом берген.
- Сёз садакъдан кючлюдю.
- Къатын байлыкъны сюер, эр саулукъну сюер.
- Ургъан суудан башынгы сакъла.
- Мени джылытмагъан кюн, меннге тиймесин!
- Адебсиз адам – джюгенсиз ат.
- Алтыда кюлмеген, алтмышда кюлмез.
- Окъуу – билимни ачхычы, окъуу – дунияны бачхычы.
- Рысхы джалгъанды: келген да этер, кетген да этер.
- Къартха ушагъан джаш – акъыллы, джашха ушагъан къарт – тели.
- Къан бла кирген, джан бла чыгъар.
- Мухардан ач ычхынмаз.
- Ауругъан – джашаудан умутчу.
- Айранын берсенг, челегин да къызгъанма.
- Дуния аламаты сен эсенг да, игиме деб айтма.
- Аууз сакълагъан – джан сакълар.
- Ёзденликни кёбю ётюрюк.
- Билмегенинги, билгеннге сор.
- Ариу сёзде ауруу джокъ.
- Уллу атлама – абынырса, уллу къабма – къарылырса.
- Хансыз джомакъ болмаз.
- Ётюрюкню башын керти кесер.
- Арыгъан къош чамчы болур.
- Хаухну атма, ёнгкючню сатма.
- Джашны джигитлиги сорулур, къызны джигерлиги сорулур.
- Юйлю уругъа ит чабмаз.
- Артына баргъанны, къатына барма.
- Ёмюрлюк шохлукъну джел элтмез.
- Нёгер болсанг, тенг бол, тенг болмасанг, кенг бол.
- Суу кетер, таш къалыр.
- Ёгюзню мюйюзлери ауурлукъ этмейдиле.
- Ишлемеген – тишлемез.
- Адеб джокъда, намыс джокъ.
- Эринчекни аурууу – кёб.
- Къыйынлы джети элни къайгъысын этер.
- Ишленмеген джаш – джюгенсиз ат, ишленмеген къыз – тузсуз хант.
- Байлыкъ тауусулур, билим тауусулмаз.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 2)