- Байлыкъ адамны сокъур этер.
- Тил бла келеди джыр да.
- Хар адамгъа кеси миннген тау кибик.
- Эл тойса, тоймагъан, эл къойса, къоймагъан.
- Биреуге аманлыкъны тилеме да, кесинге ашхылыкъны тиле.
- Окъуусуз билим – джокъ, билимсиз кюнюнг – джокъ.
- Зарда марда джокъ.
- Босагъагъа джууукъ орун болса, ашыгъыб тёрге озма.
- Игилик игилик бла сингдирилиучю затды.
- Ханы къызы буюгъа-буюгъа киштик болду.
- Аманнга да, игиге да оноусуз къатышма.
- Къобан да къуру да къобханлай турмайды, адам да къуру да патчахлай турмайды.
- Джангыз торгъай джырламаз.
- Джашда акъыл джокъ, къартда къарыу джокъ.
- Керилген да, ургъан кибикди.
- Эрни эр этерик да, къара джер этерик да, тиширыуду.
- От кюйдюрген, сау болса да, тот кюйдюрген, сау болмаз.
- Тойчу джашха къарама, къойчу джашха къара.
- Ашхылыкъ джерде джатмайды, аманлыкъ суугъа батмайды.
- Игиге айтсанг – билир, аманнга айтсанг – кюлюр.
- Суугъа – чабакъ, къаягъа – ыргъакъ.
- Айтхан – тынч, этген – къыйын.
- Кёл – къызбай, къол – батыр.
- Хунаны тюбюн къазсанг, юсюнге ауар.
- Таула не мийик болсала да, аууш табылыр.
- Аман къатын алгъан, арыр, иги къатын алгъан джарыр.
- Аз сёлеш, кёб ишле.
- Итли къонакъ джарашмаз.
- Кёзюнде тереги болгъан, чёбю болгъаннга кюле эди.
- Ёнгкюч къууана барыр, джылай келир.
- Ауругъаннга – кийик саулукъ, джетген къызгъа – чилле джаулукъ.
- Аманны къуугъан, аманлыкъ табар.
- Тойгъанлыкъ къойгъа джарашады.
- Уллу айтханны этмеген – уллаймаз.
- Аз айтсам, кёб ангылагъыз.
- Джыйырма къойну юч джыйырма эбзе кюте эди.
- Ёлген ийнек сютлю болур.
- Къызбайны юйюне дери сюрсенг, батыр болур.
- Кёлсюзден сёзсюз тууар.
- Кёз – сюйген джерде, къол – ауругъан джерде.
- Мухар, кеси тойса да, кёзю тоймаз.
- Билимли ёлмез, билимсиз кёрмез.
- Сыфатында болмагъаны, суратында болмаз.
- Мен да «сен», дейме, сен да «кесим», дейсе.
- Сормай – алма, чакъырылмай – барма.
- Тулпарлыкъ, билекден тюл – джюрекден.
- Этни да ашады, бетни да ашады.
- Шайтан алдады, тюзлюк къаргъады.
- Къатын байлыкъны сюер, эр саулукъну сюер.
- Эки къатын алгъанны къулагъы тынгнгаймаз.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 8)