- Аманны къуугъан, аманлыкъ табар.
- Къонакъ кёб келюучю юйню, къазаны отдан тюшмез.
- Борчунг бар эсе, хурджунунга ойлаб узал.
- Аманны эки битли тону болур, бирин сеннге кийдирир, бирин кеси киер.
- Билеги кючлю, бирни джыгъар, билими кючлю, мингни джыгъар.
- Эки къатын алгъанны къулагъы тынгнгаймаз.
- Эллинг бла джау болсанг да, юйюнг бла джау болма.
- Мени джылытмагъан кюн, меннге тиймесин!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сакъалы текени да бар, мыйыгъы киштикни да бар.
- Сыфатында болмагъаны, суратында болмаз.
- Тойгъан антын унутур.
- Кечеси – аяз, кюню – къыш, джарлы къаргъагъа бир аш тюш!
- Телини эшигин, махтау джабар.
- Агъач – джерни чырайы, кийим – эрни чырайы.
- Ариу – кёзге, акъыл – джюрекге.
- Тенгни тенглиги джашай барсанг билинир.
- Джолунга кёре – джюрюшюнг, джагъанга кёре – юлюшюнг.
- Къайгъы тюбю – тенгиз.
- Кёлю джокъну – джолу джокъ.
- Терек ауса, отунчу – кёб.
- Сагъышы джокъ – джукъучу, акъылы джокъ – къаугъачы.
- Джарлыны тону джаз битер.
- Эшекге миннген – биринчи айыб, андан джыгъылгъан – экинчи айыб.
- Тилчи бир сагъатха айлыкъ хата этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Мал кёб болса, джууукъ кёб болур.
- Ашлыкъ – бюртюкден, джюн – тюкден.
- Накъырданы арты керти болур.
- Малны кют, джерни тюрт.
- Чабар ат – джетген къыз.
- Къайгъыны сюйген, къайгъы табар.
- Берекет берсин деген джерде, берекет болур.
- Ашда – бёрю, ишде – ёлю.
- Айранны сюйген, ийнек тутар.
- Эки ойлашыб, бир сёлешген.
- Тас болгъан бычакъны сабы – алтын.
- Ана кёлю – балада, бала кёлю – талада.
- Кюн – узун, ёмюр – къысха.
- Джумушакъ терекни къурт ашар.
- Урама да – ёледи, сатама да – келеди.
- Акъыл къартда, джашда тюйюлдю – башдады.
- Адам къаллай бир ишленмесе, аллай бир кесин уллу кёреди.
- Адеби болмагъан къыз – тузсуз хант.
- Сабыр джетер муратха, сабырсыз къалыр уятха.
- Ашын ашагъанынгы, башын да сыйла.
- Азыкъ аз болса, эртде орун сал.
- Халкъны юйю – туугъан джери.
- Халкъны джырын джырласанг, халкъ санга эжиу этер.
- Иши джокъну, сыйы джокъ.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)