- Къобан да къуру да къобханлай турмайды, адам да къуру да патчахлай турмайды.
- Адеб этмеген, адеб кёрмез.
- Аякъларынгы джууургъанынга кёре узат.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёпкелегенни ашы татлы болады.
- Рысхы – сют юсюнде кёмюк кибикди.
- Дуния мал дунияда къалады.
- Чомарт бергенин айтмаз.
- Тилде сюек болмаса да, сюек сындырыр.
- Тюзлюк шохлукъну бегитир.
- Тойчу джашха къарама, къойчу джашха къара.
- Мени джылытмагъан кюн, меннге тиймесин!
- Ёлген аслан – сау чычхан.
- Эл элде бирер малынг болгъандан эсе, бирер тенгинг болсун.
- Чабар ат – джетген къыз.
- Къазанда болса, чолпугъа чыгъар.
- Борчунг бар эсе, хурджунунга ойлаб узал.
- Адамны адамлыгъы къыйынлыкъда айгъакъланады.
- Тау башында, тау болмаз, джангыз терек, бау болмаз.
- Таукел къуру къалмаз.
- Кийимни бир кюнню аясанг, минг кюннге джарар.
- Эркишиге тары кебек танг кёрюнюр.
- Акъыллы айтыр эди, акъылсыз къоймайды.
- Къулакъдан эсе, кёзге ышан.
- Джогъун бар этген, барын бал этген.
- Нёгерсизни джолу узун.
- Байлыкъ келсе, акъыл кетер.
- Джаным-тиним – окъуу, билим.
- Намыс сатылыб алынмайды.
- Тойгъа барсанг, тоюб бар, эски тонунгу къоюб бар.
- Иги сёз – джаннга азыкъ, аман сёз башха – къазыкъ.
- Ач – эснер, ат – кишнер.
- Ишлегенде эринме, ишде чолакъ кёрюнме.
- Къууут – джелге, берне – бошха.
- Уллу къазанда бишген эт, чий къалмаз.
- Татлы тилде – сёз ариу, чемер къолда – иш ариу.
- Къатын къылыкъсыз, эр тынчлыкъсыз.
- Алим болгъандан эсе, адам болгъан къыйынды.
- Рысхы джалгъанды: келген да этер, кетген да этер.
- Тин – байлыгъынг, терен саулугъунг.
- Ач бёрюге мекям джокъ.
- Ариу – кёзге, акъыл – джюрекге.
- Джангыз торгъай джырламаз.
- Эл ауузу – элек, анга ийнаннган – халек.
- Билмезни кёзю кёрмез, этмезни къулагъы эшитмез.
- Аман адам элни бир-бирине джау этер.
- Душманны тышы – акъ, ичи – къара.
- Эли джокъну – кёлю джокъ.
- Бал – татлы, балдан да бала – татлы.
- Окъуу – билимни ачхычы, окъуу – дунияны бачхычы.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 3)