- Джыланны къуйругъундан басарынг келсе, аны башы болгъанын унутма.
- Кёбню кёрген – кёб билир.
- Сагъыш – къартлыкъгъа сюйюмчю.
- Тойгъан антын унутур.
- Этим кетсе да, сюегим къалыр.
- Бети – къучакълар, джюреги – бычакълар.
- Ауругъанны сау билмез, ач къарынны токъ билмез.
- Аш иеси бла татлыды.
- Ат басханны джер билед.
- Иги болса, тамадама – махтау, аман болса, меннге – айыб.
- Чомарт къолда мал къалмаз.
- Джаш болсун, къыз болсун, акъылы, саны тюз болсун.
- Къалгъан ишге къар джауар.
- Керек ташны ауурлугъу джокъ.
- Гитче джилтин уллу элни джандырыр.
- Ашхы адам – халкъ байлыгъы, ашхы джер – джашау байлыгъы.
- Хунаны тюбюн къазсанг, юсюнге ауар.
- Ёнгкюч къууана барыр, джылай келир.
- Чомартха Тейри да борчлуду.
- Ашатыргъа иш – ашхы, ишлетирге аш – ашхы.
- Бети бедерден, намыс сакълама.
- Къарт бла баш аша, джаш бла аякъ аша.
- Ач отунчуну ачыуу – бурнунда.
- Ашаса, ашамаса да, бёрюню ауузу – къан.
- Ким бла джюрюсенг, аны кёзю бла кёрюнюрсе.
- Ауурну тюбю бла, дженгилни башы бла джюрюген.
- Кирсизни – саны таза, халалны – къаны таза.
- Башы джабылгъан челекге, кир тюшмез.
- Тамчы таш тешер.
- Алтыда кюлмеген, алтмышда кюлмез.
- Къарын къуру болса, джюрек уру болур.
- Суу да къайтады чыкъгъан джерине.
- Аман хансны – урлугъу кёб.
- Ашарыкъда сайлагъаннга – чий гырджын.
- Ёгюзню мюйюзлери ауурлукъ этмейдиле.
- Чакъырылмагъан къонакъ – орунсуз.
- Ёгюзню мюйюзюнден тутадыла, адамны сёзюнден тутадыла.
- Ачлыкъ отха секиртир.
- Этни бети бла шорпасы.
- Джарлы джети элни сёзюн этер.
- Ашда – бёрю, ишде – ёлю.
- Билим ат болуб да чабар, къуш болуб да учар.
- Сабыр джетер муратха, сабырсыз къалыр уятха.
- Керти сёзге тёре джокъ.
- Аман къатын алгъан, арыр, иги къатын алгъан джарыр.
- Игини сыйлагъан адетди.
- Кёб джашагъан – кёб билир.
- Сабий кёргенин унутмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Къартны сыйын кёрмеген, къартлыгъында сыйлы болмаз.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)