- Тили узунну, намысы – къысха.
- Джумушакъ терекни къурт ашар.
- Зар адамны насыбы болмаз.
- Юй кюйдю да, кюйюз чыкъды, ортасындан тюйюш чыкъды.
- Чёбню кёлтюрсенг, тюбюнден сёз чыгъар.
- Ауругъан – джашаудан умутчу.
- Ашхы атаны – джашы ашхы, ашхы ананы – къызы ашхы.
- Кёлсюзден сёзсюз тууар.
- Чомарт къонакъ юй иесин сыйлар.
- Джаш къарыу бла кючлю, къарт акъыл бла кючлю.
- Сютден ауузу кюйген, суугъа юфгюре эди.
- Джетген къыз джерли эшекни танымаз.
- Тойгъа барсанг, тоюб бар, эски тонунгу къоюб бар.
- Киштикге къанат битсе, чыпчыкъ къалмаз эди.
- Миллетни бойну – базыкъ, аны бла кюрешген – джазыкъ.
- Адамны сабийин сюйген джюреги, бычакъча, джитиди.
- Мал кёб болса, джууукъ кёб болур.
- Тилчи тилден къаныкъмаз.
- Джарлыны эшигин махтагъан джабар.
- Билими азны – ауузунда кирит.
- Кёбден умут этиб, аздан къуру къалма.
- Къартны сыйын кёрмеген, къартлыгъында сыйлы болмаз.
- Адам туугъан джеринде, ит тойгъан джеринде.
- Чакъырылмагъан къонакъ – орунсуз.
- Уллу къазанда бишген эт, чий къалмаз.
- Ашаса, ашамаса да, бёрюню ауузу – къан.
- Ашхы тенг джолгъа салыр, аман тенг джолдан тайдырыр.
- Акъыллы башны – тили къысха.
- Эм уллу байлыкъ – джан саулукъ.
- Аманны эки битли тону болур, бирин сеннге кийдирир, бирин кеси киер.
- Тыш элде солтан болгъандан эсе, кесинги элде олтан болгъан игиди!
- Тюз сёз баргъан сууну тыяр.
- Байлыкъ адамны сокъур этер.
- Окъдан джара эртде-кеч болса да бителир, сёз джара, ёмюрге къалыр.
- Кесинге джетмегенни, кёб сёлешме.
- Къарнынг бла ёч алма.
- Айран ичген – къутулду, джугъусун джалагъан – тутулду.
- Тил – кесген бычакъ, сёз – атылгъан окъ.
- Ашха уста, юйюнде болсун
- Тели турса – той бузар.
- Уллу айтханны этмеген – уллаймаз.
- Эрине къаргъыш этген къатын, эрнин къабар.
- Джахил болса анасы, не билликди баласы?
- Джумушакъ сёз къаты таякъны сындырыр.
- Кюл тюбюндеги от кёрюнмейди.
- Тынгылагъан тынгы бузар.
- Кёб джашагъан – кёб билир.
- Тёрени джагъы джокъ.
- Къобан да къуру да къобханлай турмайды, адам да къуру да патчахлай турмайды.
- Дуния малгъа сатылма, кесингден телиге къатылма.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)