- Тойгъан джерден туугъан джер игиди.
- Ётюрюкню башын керти кесер.
- Телиге акъыл салгъандан эсе, ёлгеннге джан салырса.
- Иги болса, тамадама – махтау, аман болса, меннге – айыб.
- Кийимни бичсенг, кенг бич, тар этген къыйын тюлдю.
- Таш бла ургъанны, аш бла ур.
- Сангырау къулакъ эл бузар.
- Бойнуму джети джерден кессенг да, мен ол ишни этеллик тюлме.
- Иши джокъну, сыйы джокъ.
- Сёз къанатсыз учар.
- Ёпкелегенни ашы татлы болады.
- Суу ичген шауданынга тюкюрме.
- Чабакъ башындан чирийди.
- Тили узунну, намысы – къысха.
- Зар адамны насыбы болмаз.
- Къатын байлыкъны сюер, эр саулукъну сюер.
- Кёзю сокъурдан – къоркъма, кёлю сокъурдан – къоркъ.
- Соргъан айыб тюлдю, билмеген айыбды.
- Ач отунчуну ачыуу – бурнунда.
- Билимсиз иш бармаз.
- Эли джокъну – кёлю джокъ.
- Джарлыны эшигин махтагъан джабар.
- Айырылгъанланы айю ашар, бёлюннгенлени бёрю ашар.
- Зар адам ашынгы ашар, кесинги сатар.
- Тамчы таш тешер.
- Джарашыу сюйген – джалынчакъ.
- Аман къатын сабий табса, бий болур…
- Нафысынгы айтханын этме, намысынгы айтханын эт.
- Юйлю уругъа ит чабмаз.
- Кийимни бир кюнню аясанг, минг кюннге джарар.
- Билмезни кёзю кёрмез, этмезни къулагъы эшитмез.
- Кёбню кёрген – кёб билир.
- Кёб ант этген, кёб ётюрюк айтыр.
- Айныгъанлы алты кюн, тогъайгъанлы тогъуз кюн.
- Джангызны оту джарыкъ джанмаз!
- Кюл тюбюндеги от кёрюнмейди.
- Къартны сыйын кёрмеген, къартлыгъында сыйлы болмаз.
- Уллу сёзде уят джокъ.
- Бир онгсуз адам адет чыгъарды, деб эштирик тюлсе.
- Берекет берсин деген джерде, берекет болур.
- От кюйдюрген, сау болса да, тот кюйдюрген, сау болмаз.
- Ачны эсинде – аш.
- Ётюрюкчюню шагъаты – къатында.
- Джюрек кёзден алгъа кёрюр.
- Адебни адебсизден юрен.
- Баш – акъыл ючюн, акъылман – халкъ ючюн.
- Хунаны тюбюн къазсанг, юсюнге ауар.
- Окъугъанны бети джарыкъ.
- Джашынгы кесинг юретмесенг, джашау юретир.
- Суу да къайтады чыкъгъан джерине.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)