- Ишге юренсин къоллары, халкъ бла болсун джоллары.
- Аз сёлеш, кёб ишле.
- Тешик этген тынчды, аны джамагъан къыйынды.
- Малны кют, джерни тюрт.
- Ауругъан – джашаудан умутчу.
- Джылыгъа джылан илешир.
- Ханы къызы буюгъа-буюгъа киштик болду.
- Ишленмеклик адамлыкъды.
- Урама да – ёледи, сатама да – келеди.
- Тойгъан антын унутур.
- Тюз сёз баргъан сууну тыяр.
- Билеги кючлю, бирни джыгъар, билими кючлю, мингни джыгъар.
- Байлыкъдан саулукъ ашхыды.
- Къарт бла баш аша, джаш бла аякъ аша.
- Асхат ашлыкъ сата, юйдегиси ачдан къата.
- Къуру гыбыт бек дыгъырдар.
- Терслик кетер, тюзлюк джетер.
- Уллу айтханны этмеген – уллаймаз.
- Къыйынлы джети элни къайгъысын этер.
- Керилген да, ургъан кибикди.
- Бал чибинни ургъаны – ачы, балы – татлы.
- Джарлы тюеге минсе да, ит къабар.
- Чабакъсыз кёлге къармакъ салгъанлыкъгъа, чабакъ тутмазса.
- Ата Джуртун танымагъан, атасын да танымаз.
- Байма, деб да, къууанма, джарлыма, деб да, джылама.
- Уллу сёлешме да, уллу къаб.
- Атадан ёксюз – бир ёксюз, анадан ёксюз – эки ёксюз.
- Тура эдим джата, къайдан чыкъды хата?
- Сёз сёзню айтдырыр.
- Бети бедерден, намыс сакълама.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джеринден айырылгъан – джети джылар, джуртундан айырылгъан – ёлгюнчю джылар.
- Аджалсыз ёлюм болмаз.
- Тин – байлыгъынг, терен саулугъунг.
- Ачыкъ джюрекге джол – ачыкъ.
- Телини эшигин, махтау джабар.
- Ёзденликни джайгъан – джокълукъ.
- Джуртун къоругъан озар.
- Иесиз малны бёрю ашар.
- Ашхы болсанг, атынг чыгъар, аман болсанг, джанынг чыгъар.
- Бир онгсуз адам адет чыгъарды, деб эштирик тюлсе.
- Гырджын – тепсини тамадасы.
- Кёб ант этген, кёб ётюрюк айтыр.
- Кёбню кёрген – кёб билир.
- Окъумагъан сокъурду, сокъур ташха абыныр!
- Ачлыкъ отха секиртир.
- Тойгъандан сора, ашны сёкме.
- Билим – акъылны чырагъы.
- Къар – келтирди, суу – элтди.
- Хатерли къул болур.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 8)