- Уллу сёлешме да, уллу къаб.
- Къыйынлы джети элни къайгъысын этер.
- Биреуню эскиси биреуге джангы болмайды.
- Суугъа – таянма, джаугъа – ийнанма.
- Рысхы – насыбха къор.
- Кийиминг бла танылма, адамлыкъ бла таныл.
- Хар сёзню орну барды.
- Бичгенде ашыкъма, тикгенде ашыкъ.
- Юреннген ауруу къалмаз.
- Таугъа чыгъаллыкъ эсенг, тюзде къалма.
- Тил джюрекге джол ишлейди.
- Кирсизни – саны таза, халалны – къаны таза.
- Уллу айтханны этмеген – уллаймаз.
- Мухар, кеси тойса да, кёзю тоймаз.
- Къонакъ аман болса, къонакъбай джунчур
- Тенги кёбню джау алмаз, акъылы кёбню дау алмаз.
- Къартны бурнун сюрт да, оноугъа тут.
- Аджал соруб келмез, келсе, къайтыб кетмез.
- Тешик этген тынчды, аны джамагъан къыйынды.
- Ашха уста, юйюнде болсун
- Тойгъанлыкъ къойгъа джарашады.
- Джашны джигитлиги сорулур, къызны джигерлиги сорулур.
- Билген билмегенни юретген адетди.
- Ойнаб айтсанг да, эслеб айт.
- Биреу ашаб къутулур, биреу джалаб тутулур.
- Гугук кесини атын айтыб къычыргъанча, мен, мен деб нек тураса?
- Тойчу джашха къарама, къойчу джашха къара.
- Ёпкелегенни ашы татлы болады.
- Аурууну келиую тынч, кетиую – къыйын.
- Уруну арты – къуру.
- Кёл ашады да, кеси ашады.
- Азыкълы ат арымаз, къатыны аман джарымаз.
- Ишни аллы бла къууанма да, арты бла къууан.
- Болджал ишни бёрю ашар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адеби болмагъан къыз – тузсуз хант.
- Биреуге кёлтюрген таягъынг, кесинги башынга урур.
- Минг тенг да азды, бир джау да кёбдю.
- Хар адамгъа кеси миннген тау кибик.
- Бети – къучакълар, джюреги – бычакълар.
- Аллахха ийнаннган кишини, Аллах онгдурур ишин.
- Намыс болмагъан джерде, насыб болмаз.
- Ариу сёз аурууунгу алыр.
- Сютден ауузу кюйген, суугъа юфгюре эди.
- Кенгеш болса, уруш болмаз.
- Ана къолу ачытмаз.
- Ёзденликни джайгъан – джокълукъ.
- Агъач халкъгъа алтынды, иссиликге салкъынды.
- Термилгенинги табмазса, кюлгенинге тюберсе.
- Чомартха Тейри да борчлуду.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 8)