Ата – баланы уясы.
Хоншуну тауугъу къаз кёрюнюр, келини къыз кёрюнюр.
Чомартны къолун джокълукъ байлар.
Татлы тилде – сёз ариу, чемер къолда – иш ариу.
Ата Джуртуму башы болмасам да, босагъасында ташы болайым.
Хатерли къул болур.
Къазанчы аман болса, къазаны къайнамаз.
Айранын берсенг, челегин да къызгъанма.
Кирсизни – саны таза, халалны – къаны таза.
Ариу сёз – къылычдан джити.
Аджаллыгъа окъсуз шкок атылыр.
Къыйынлы джети элни къайгъысын этер.
Мал тутхан – май джалар.
Къонакъ аз олтурур, кёб сынар.
Хансыз джомакъ болмаз.
Эркиши – от, тиширыу – суу.
Алтыннга тот къонмаз.
Сууда джау джокъ, кёб сёзде магъана джокъ.
Ёлген эшек бёрюден къоркъмайды.
Термилгенинги табмазса, кюлгенинге тюберсе.
Аманнга игилик этсенг, юйюнге сау бармазса.
Ашхы сёз таш тешер.
Ашыкъгъан cуу, тенгизге джетмез.
Акъдан къара болмаз.
Ашарыкъда сайлагъаннга – чий гырджын.
Азыгъы аз, алгъа къабар, аты аман, алгъа чабар.
Айырылгъанланы айю ашар, бёлюннгенлени бёрю ашар.
Рысхысына кёре, джаш ёсер, къышлыгъына кёре, мал ёсер.
Эринчекге кюн узун.
Джарлыны тону джаз битер.
Окъугъан озар, окъумагъан тозар.
Кесине оноу эте билмеген, халкъына да эте билмез.
Телиге акъыл салгъандан эсе, ёлгеннге джан салырса.
Акъыллы башны – тили къысха.
Ёлюк кебинсиз къалмаз.
Ач бёрюге мекям джокъ.
Иги джашны ышаны – аз сёлешиб, кёб тынгылар.
Тамбла алтындан бюгюн багъыр ашхы.
Аманны эки битли тону болур, бирин сеннге кийдирир, бирин кеси киер.
Таш ата билмеген, башына урур.
Чакъырылмагъан джерге барма, чакъырылгъан джерден къалма.
Аллахдан тилесенг, кёб тиле.
Тенгинг джокъ эсе – изле, бар эсе – сакъла!
Ариу сёз аурууунгу алыр.
Къарыусузгъа кюлме, онгсузгъа тийме.
Джюрек кёзден алгъа кёрюр.
Кюлме джашха – келир башха.
Къарт болгъан джерде, берекет болур, сабий болгъан джерде, оюн болур.
Аллахха ийнаннган кишини, Аллах онгдурур ишин.
Чомарт къолда мал къалмаз.
