Ёлген эшек бёрюден къоркъмайды.
Иги адам абынса да, джангылмаз.
Айныгъанлы алты кюн, тогъайгъанлы тогъуз кюн.
Джашны джигитлиги сорулур, къызны джигерлиги сорулур.
Болджал ишни бёрю ашар.
Бал ашаргъа сюе эсенг, чибин ургъаннга тёз.
Ач къалгъандан, кеч къалгъан къолай.
Ишлерге уял да, ашаргъа табма.
Этек чакъмакълары баш джаргъан, сёлешген сёзлери таш джаргъан.
Кёлю джокъну – джолу джокъ.
Гырджын – тепсини тамадасы.
Байлыкъдан саулукъ ашхыды.
Хоншуну тауугъу къаз кёрюнюр, келини къыз кёрюнюр.
Джеринден айырылгъан – джети джылар, джуртундан айырылгъан – ёлгюнчю джылар.
Уллу айтханны этмеген – уллаймаз.
Хаухну атма, ёнгкючню сатма.
Ариу сёзде ауруу джокъ.
Тёрени джагъы джокъ.
Окъумагъан сокъурду, сокъур ташха абыныр!
Ёлюк кебинсиз къалмаз.
Аллахдан тилесенг, кёб тиле.
Арпа, будай – ащды, алтын, кюмюш а – ташды.
Телиге от эт десенг, юйюнге от салыр.
Чакъырылмагъан къонакъ тёрге атламаз.
Хунаны тюбюн къазсанг, юсюнге ауар.
Татлы тилде – сёз ариу, чемер къолда – иш ариу.
Билмезни кёзю кёрмез, этмезни къулагъы эшитмез.
Сёз садакъдан кючлюдю.
Чомарт джарлы болмаз.
Сабийликде юретмесенг, уллу болса – тюзелмез.
Джолунга кёре – джюрюшюнг, джагъанга кёре – юлюшюнг.
Ана – юйню кюн джарыгъы.
Ётюрюкню башын керти кесер.
Таш ата билмеген, башына урур.
Аууз сакълагъан – джан сакълар.
Джюрекге ариу – кёзге да ариу.
Чоюнну башы ачыкъ болса, итге уят керекди.
Ёлген ийнек сютлю болур.
Узун джолну барсанг, бюгюн келирсе, къысха джолну барсанг, тамбла келирсе.
Ауругъаннга – кийик саулукъ, джетген къызгъа – чилле джаулукъ.
Чыкълы кюнде чыкъмагъан, чыкъса къуру кирмеген.
Сагъыш – къартлыкъгъа сюйюмчю.
Мадар болса, къадар болур.
Къызын тута билмеген, тул этер, джашын тута билмеген, къул этер.
Арбаз сайлама да, хоншу сайла.
Игиге айтсанг – билир, аманнга айтсанг – кюлюр.
Эрине къаргъыш этген къатын, эрнин къабар.
Зар адам ашынгы ашар, кесинги сатар.
Намыс сатылыб алынмайды.
Ачлыкъ отха секиртир.
