Къонагъынгы артмагъын алма да, алгъышын ал.
Ёксюзню къалачы уллу кёрюнюр.
Билим – акъылны чырагъы.
Эркишиге тары кебек танг кёрюнюр.
Тойгъан джерге джети къайт.
Къарыусузгъа кюлме, онгсузгъа тийме.
Сагъыш – къартлыкъгъа сюйюмчю.
Ашхылыкъ джерде джатмайды, аманлыкъ суугъа батмайды.
Кийиминг бла танылма, адамлыкъ бла таныл.
Ишин билген, аны сыйын чыгъарады.
Билген билмегенни юретген адетди.
Керти сёзге тёре джокъ.
Босагъа таш юйге кирмей эди, тыбыр таш эшикге чыкъмай эди.
Тёзген – тёш ашар!
Айныгъанлы алты кюн, тогъайгъанлы тогъуз кюн.
Ач бёрюге мекям джокъ.
Къарнынг къанлынга кийирир.
Джуртун къоругъан озар.
Ишге юренсин къоллары, халкъ бла болсун джоллары.
Кийимни бичсенг, кенг бич, тар этген къыйын тюлдю.
Къар – келтирди, суу – элтди.
Чакъырылмагъан къонакъ тёрге атламаз.
Тил – миллетни джаны.
Къолу уллу – асыу, аягъы уллу – джарсыу.
Баргъанынга кёре болур келгенинг.
Ач келгенни – тойдур, кеч келгенни – къондур.
Чакъырылмагъан къонакъ – орунсуз.
Чомартны къолун джокълукъ байлар.
Бек ашыкъгъан меннге джетсин, дегенди аракъы.
Джахил болса анасы, не билликди баласы?
Мал ёлсе, сюек къалыр, адам ёлсе, иши къалыр.
Атлыны ашхысы, ат тизгининден билинир
Хар сёзню орну барды.
Байлыкъ адамны сокъур этер.
Къарт айтханны этмеген, къартаймаз.
Ашхы тенг джолгъа салыр, аман тенг джолдан тайдырыр.
Аууз сакълагъан – джан сакълар.
Башда акъыл болмаса, эки аякъгъа кюч джетер.
Уллу атлама – абынырса, уллу къабма – къарылырса.
Азыкълы ат арымаз, къатыны аман джарымаз.
Къыз тиширыу кеси юйюнде да къонакъды.
Босагъагъа джууукъ орун болса, ашыгъыб тёрге озма.
Къанны къан бла джуума, аманны аман бла къуума.
Сёз сёзню айтдырыр.
Хансыз джомакъ болмаз.
Айтхан – тынч, этген – къыйын.
Тилчиден кери бол.
Телини эшигин, махтау джабар.
Минг тенг да азды, бир джау да кёбдю.
Игини сыйлагъан адетди.
