Адеб базарда сатылмаз.
Тойгъан антын унутур.
Эринчекни эр алмаз, эр алса да, кёл салмаз, кёл салса да, кёб бармаз!
Тулпарлыкъ, билекден тюл – джюрекден.
Ишлегенде эринме, ишде чолакъ кёрюнме.
Джерни букъусу кёкге къонмаз.
Тёзген – тёш ашар!
Ёксюзню къалачы уллу кёрюнюр.
Шапа кёб болса, аш татымсыз болур.
Окъугъанны бети джарыкъ.
Уллу сёлешме да, уллу къаб.
Тенги кёбню джау алмаз, акъылы кёбню дау алмаз.
Сангырау къулакъ эл бузар.
Чарсда алчыны эл кёреди.
Чыбыкълыкъда бюгюлмеген, къазыкълыкъда бюгюлмей эди.
Тешигини къатында, чычхан да батыр болур.
Джаралыны джастыгъында сау ёлюр.
Къонакъ хазыр болгъанлыкъгъа, къонакъбай хазыр тюлдю.
Къаллай салам берсенг, аллай джууаб алырса.
Бет бетге къараса, бет да джерге къарар.
Чабар ат – джетген къыз.
Джиби бир къат джетмей эди да, эки къат тарта эди.
Чакъырылмагъан къонакъ – орунсуз.
Иесиз малны бёрю ашар.
Тай асырагъан, атха минер.
Кёз – сюйген джерде, къол – ауругъан джерде.
Агъач халкъгъа алтынды, иссиликге салкъынды.
Ауурну тюбю бла, дженгилни башы бла джюрюген.
Тамырсыз терекге таянма – джыгъылырса.
Тау башында, тау болмаз, джангыз терек, бау болмаз.
Айтылгъан сёз ызына къайтмаз.
Къыз келсе, джумуш эте келеди, къатын келсе, ушакъ эте келеди.
Ашыкъгъанны этеги бутуна чырмалыр.
Сёлеш деб шай берген, тохта деб, сом берген.
Экиндини кеч къылсанг, чабыб джетер ашхам.
Акъыллы башны – тили къысха.
Къан бла кирген, джан бла чыгъар.
Юреннген ауруу къалмаз.
Джыйырма къойну юч джыйырма эбзе кюте эди.
Къартны бурнун сюрт да, оноугъа тут.
Адам къыйынлыгъын кёлтюрюр, зауукълугъун кёлтюрмез.
Таугъа чыгъаллыкъ эсенг, тюзде къалма.
Татлы тилде – сёз ариу, чемер къолда – иш ариу.
Этни бети бла шорпасы.
Аш берме да, къаш бер.
Ашаса, ашамаса да, бёрюню ауузу – къан.
Кечеси – аяз, кюню – къыш, джарлы къаргъагъа бир аш тюш!
Юйюнгден чыкъдынг – кюнюнгден чыкъдынг.
Тюкюрюк баш джармаз, налат кёз чыгъармаз!
Тели турса – той бузар.
