Къаллай салам берсенг, аллай джууаб алырса.
Суу да къайтады чыкъгъан джерине.
Келлик заман – къартлыкъ келтирир, кетген заман – джашлыкъ ёлтюрюр.
Къатыны харакетли болса, эри къымсыз болур.
Адеб базарда сатылмаз.
Айраннга суу къош, телиге джол бош.
Намысы болмагъанны, сыйы болмаз.
Ата джурт – алтын бешик.
Тилде сюек болмаса да, сюек сындырыр.
Тюзлюк тас болмайды.
Ашлыкъны арба юйге келтирир, чана базаргъа элтир.
Акъыллы айтыр эди, акъылсыз къоймайды.
Махтаннган къыз, тойда джукълар.
Аллахха ийнаннган кишини, Аллах онгдурур ишин.
Экеу тутушса, биреу джыгъылыр.
Къарнынг тойгъунчу аша да, белинг талгъынчы ишле.
Орундукъ тюбюнде атылсам да, орта джиликме, де да айлан.
Эки ойлашыб, бир сёлешген.
Окъуусуз билим – джокъ, билимсиз кюнюнг – джокъ.
Тамырсыз терекге таянма – джыгъылырса.
Дуния малгъа сатылма, кесингден телиге къатылма.
Юй кюйдю да, кюйюз чыкъды, ортасындан тюйюш чыкъды.
Юй ишлеген балта эшикде къалыр.
Къарыусузгъа кюлме, онгсузгъа тийме.
Къарын къуру болса, джюрек уру болур.
Эм уллу байлыкъ – джан саулукъ.
Ёзденликни джайгъан – джокълукъ.
Ачлыкъ отха секиртир.
Телини эшигин, махтау джабар.
Уруну арты – къуру.
Окъугъан озар, окъумагъан тозар.
Джеринден айырылгъан – джети джылар, джуртундан айырылгъан – ёлгюнчю джылар.
Ата – баланы уясы.
Билимсиз иш бармаз.
Ауурну тюбю бла, дженгилни башы бла джюрюген.
Тенги кёбню джау алмаз, акъылы кёбню дау алмаз.
Тойгъан джерден туугъан джер игиди.
Эркиши – от, тиширыу – суу.
Хар ишни да аллы къыйынды.
Нарт сёз къарт болмаз.
Ана – юйню кюн джарыгъы.
Хар сёзню орну барды.
Къан бла кирген, джан бла чыгъар.
Сормай – алма, чакъырылмай – барма.
Байны оноуу, джарлыгъа джарамаз.
Юйлю уругъа ит чабмаз.
Ётюрюкню къуйругъу – бир тутум.
Ёлмесенг да, къарт дамы болмазса?
Мал кёб болса, джууукъ кёб болур.
Чомартны къолун джокълукъ байлар.
