Юй кюйдю да, кюйюз чыкъды, ортасындан тюйюш чыкъды.
Тили узунну, намысы – къысха.
Болджал ишни бёрю ашар.
Ханы къызы буюгъа-буюгъа киштик болду.
Тенги кёбню джау алмаз, акъылы кёбню дау алмаз.
Ётюрюкден тюбю джокъ, кёлтюрюрге джиби джокъ.
Хата – гитчеден.
Булут кёкге джарашыу, уят бетге джарашыу.
Дженгил джетерикме деб, узун джолну къоюб, къысхасын барма.
Ач отунчуну ачыуу – бурнунда.
Ёзденликни кёбю ётюрюк.
Байлыкъдан саулукъ ашхыды.
Ана къойну – балагъа джандет.
Ёлмесенг да, къарт дамы болмазса?
Бети бедерден, намыс сакълама.
Акъыл неден да кючлюдю.
Чомарт къонакъ юй иесин сыйлар.
Чомартха хар кюн да байрамды.
Къонакъны къачан кетерин сорма, къачан келлигин сор.
Эл тойса, тоймагъан, эл къойса, къоймагъан.
Къралынгы – душмандан, башынгы от бла суудан сакъла.
Бастасын ашагъан, хантусун да ичер.
Хар сёзню орну барды.
Окъугъан – асыу, окъумагъан – джарсыу.
Джашлыкъ этмеген, башлыкъ этмез.
Этим кетсе да, сюегим къалыр.
Джыйырма къойну юч джыйырма эбзе кюте эди.
Къанны къан бла джуума, аманны аман бла къуума.
Аман адамны тепсинге олтуртсанг, къызынгы тилер.
Къан бла кирген, джан бла чыгъар.
Аманнга игилик этсенг, юйюнге сау бармазса.
Джерни букъусу кёкге къонмаз.
Акъыл къартда, джашда тюйюлдю – башдады.
Ач къалгъандан, кеч къалгъан къолай.
Кёрмегеннге кебек – танг, битмегеннге сакъал – танг.
Таукелге нюр джауар.
Тойгъа барсанг, тоюб бар, эски тонунгу къоюб бар.
Къобан да къуру да къобханлай турмайды, адам да къуру да патчахлай турмайды.
Тау башында, тау болмаз, джангыз терек, бау болмаз.
Кюлме джашха – келир башха.
Уллу айтханны этмеген – уллаймаз.
Кечеси – аяз, кюню – къыш, джарлы къаргъагъа бир аш тюш!
Агъач – джерни чырайы, кийим – эрни чырайы.
Хансыз джомакъ болмаз.
Ёпкелегенни ашы татлы болады.
Билмейме деген – бир сёз
Ата Джуртуму башы болмасам да, босагъасында ташы болайым.
Тиширыусуз юй – отсуз от джагъа.
Ишлегенде эринме, ишде чолакъ кёрюнме.
Билимли ёлмез, билимсиз кёрмез.
