Тели турса – той бузар.
Къызын тута билмеген, тул этер, джашын тута билмеген, къул этер.
Къайгъыны сюйген, къайгъы табар.
Дуния мал дунияда къалады.
Арыгъан къош чамчы болур.
Кечеси – аяз, кюню – къыш, джарлы къаргъагъа бир аш тюш!
Ишлегенде эринме, ишде чолакъ кёрюнме.
Ариу сёз аурууунгу алыр.
Окъ къызбайны джокълайды.
Онгсузну – джакъла, тенгликни – сакъла.
Чомарт къонакъ юй иесин сыйлар.
Эркишиге тары кебек танг кёрюнюр.
Урунуу – насыбны анасы.
Булут кёкге джарашыу, уят бетге джарашыу.
Миллетни бойну – базыкъ, аны бла кюрешген – джазыкъ.
Ёлген ийнек сютлю болур.
Аш хазыр болса, иш харам болур.
Джылыгъа джылан илешир.
Джырына кёре эжиую.
Тили узунну, намысы – къысха.
Кёзю сокъурдан – къоркъма, кёлю сокъурдан – къоркъ.
Кирсизни – саны таза, халалны – къаны таза.
Кёрмегеннге кебек – танг, битмегеннге сакъал – танг.
Окъуу – билимни ачхычы, окъуу – дунияны бачхычы.
Къатыны харакетли болса, эри къымсыз болур.
Ашхы тенг джолгъа салыр, аман тенг джолдан тайдырыр.
Душманны тышы – акъ, ичи – къара.
Аурууну келиую тынч, кетиую – къыйын.
Джарлы тюеге минсе да, ит къабар.
Чыкълы кюнде чыкъмагъан, чыкъса къуру кирмеген.
Джашны джигитлиги сорулур, къызны джигерлиги сорулур.
Тил – миллетни джаны.
Мал ёлсе, сюек къалыр, адам ёлсе, иши къалыр.
Айран тёгюлсе, джугъусу къалыр.
Татлы тилде – сёз ариу, чемер къолда – иш ариу.
Къарт болгъан джерде, берекет болур, сабий болгъан джерде, оюн болур.
Эки къатын алгъан – эки ташны ортасына башын салгъан.
Ачыу алгъа келсе, акъыл артха къалады.
Аууз сакълагъан – джан сакълар.
Аман къатын алгъан, арыр, иги къатын алгъан джарыр.
Джашда акъыл джокъ, къартда къарыу джокъ.
Эркишини аманы тиширыуну джылатыр.
Телини эшигин, махтау джабар.
Къозулугъунда тоймагъан, къойлугъунда тоймаз.
Орну джокъну – сыйы джокъ.
Насыблы элин сюер, насыбсыз кесин сюер.
Илму – джашауну джолу.
Нарт сёз къарт болмаз.
Кийимни бичсенг, кенг бич, тар этген къыйын тюлдю.
Адеби болмагъан къыз – тузсуз хант.
