Тил джюрекге джол ишлейди.
Сабий болмагъан джерде, мёлек болмаз.
Джогъун бар этген, барын бал этген.
Гугук кесини атын айтыб къычыргъанча, мен, мен деб нек тураса?
Къызын тута билмеген, тул этер, джашын тута билмеген, къул этер.
Туз, гырджын аша, тюзлюк бла джаша.
Къонакъны къачан кетерин сорма, къачан келлигин сор.
Джумушакъ терекни къурт ашар.
Юйлю уругъа ит чабмаз.
Адам къыйынлыгъын кёлтюрюр, зауукълугъун кёлтюрмез.
Къуллукъчума, деб махтанма, къуллукъ – хаух джамчыды!
Аманнга да, игиге да оноусуз къатышма.
Ёлюр джаннга, ёкюл джокъ.
Таугъа чыгъаллыкъ эсенг, тюзде къалма.
Агъач халкъгъа алтынды, иссиликге салкъынды.
Къатын байлыкъны сюер, эр саулукъну сюер.
Акъыллы эркиши атын махтар, акъылсыз эркиши къатынын махтар.
Ишни ахырын ойламай, аллын башлама.
Халкъны джырын джырласанг, халкъ санга эжиу этер.
Адамны адамлыгъы къыйынлыкъда айгъакъланады.
Къая джолда джортма, ачыкъ сёзден къоркъма.
Къарт болгъан джерде, берекет болур, сабий болгъан джерде, оюн болур.
Эркишини аманы тиширыуну джылатыр.
Ханнга да келеди хариблик.
Бичгенде ашыкъма, тикгенде ашыкъ.
Иги адам абынса да, джангылмаз.
Байдан умут эте, джарлыдан ёгюз багъасы къорады.
Урунуу – насыбны анасы.
Джауумдан сора, кюн кюйдюрюр, ётюрюкден сора, айыб кюйдюрюр.
Таукел тауну аудурур.
Окъумагъан сокъурду, сокъур ташха абыныр!
Ашыкъгъан cуу, тенгизге джетмез.
Чомартны къолун джокълукъ байлар.
Атынг аманнга чыкъгъандан эсе, джанынг тамагъынгдан чыкъсын.
Къозулугъунда тоймагъан, къойлугъунда тоймаз.
Керилген да, ургъан кибикди.
Эски джаугъа ышанма.
Кюлме джашха – келир башха.
Къызбайны юйюне дери сюрсенг, батыр болур.
Акъдан къара болмаз.
Ашхы болсанг, атынг чыгъар, аман болсанг, джанынг чыгъар.
Мен да «сен», дейме, сен да «кесим», дейсе.
Тели турса – той бузар.
Кимни – тили, тиши онглу, кимни – къолу, иши онглу.
Биреуню тёрюнден, кесинги эшик артынг игиди.
Эринчекге кюн узун.
Тил – кесген бычакъ, сёз – атылгъан окъ.
Мал ёлсе, сюек къалыр, адам ёлсе, иши къалыр.
Арыгъан къош чамчы болур.
Ётюрюкчюню шагъаты – къатында.
