Къонакъ аз олтурур, кёб сынар.
Кёпюр салгъан кеси ётер, уру къазгъан кеси кетер.
Байлыкъ болгъан джерде, тынчлыкъ джокъду.
Сютню башын джалагъан къутулур, тюбюн ичген тутулур.
Дженгил джетерикме деб, узун джолну къоюб, къысхасын барма.
Джырчы джырчыгъа – къарнаш.
Тилсиз миллет джокъ болур.
Аман адам элни бир-бирине джау этер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ашхылыкъ джерде джатмайды, аманлыкъ суугъа батмайды.
Аман адамны тепсинге олтуртсанг, къызынгы тилер.
Аууз сакълагъан – джан сакълар.
Кёзден кетген, кёлден да кетеди.
Ат басханны джер билед.
Ётюрюкден тюбю джокъ, кёлтюрюрге джиби джокъ.
Татлы сёз – балдан татлы.
Дуния мал дунияда къалады.
Алма терегинден кери кетмез.
Этни да ашады, бетни да ашады.
Атадан ёксюз – бир ёксюз, анадан ёксюз – эки ёксюз.
Адам сёзюнден белгили.
Алгъанда – джууукъ, бергенде – джау.
Зар адамны насыбы болмаз.
Накъырданы арты керти болур.
Узун джолну барсанг, бюгюн келирсе, къысха джолну барсанг, тамбла келирсе.
Эшекге миннген – биринчи айыб, андан джыгъылгъан – экинчи айыб.
Къуру гыбыт бек дыгъырдар.
Асхат ашлыкъ сата, юйдегиси ачдан къата.
Атынг аманнга чыкъгъандан эсе, джанынг тамагъынгдан чыкъсын.
Келинин тута билмеген, къул этер, къызын тута билмеген, тул этер.
Аманнга игилик этсенг, юйюнге сау бармазса.
Къоркъакъны кёзю экили кёрюр.
Сибиртки да сыйлы болду, кюрек да кюнлю болду.
Айтылгъан буйрукъ, сёгюлмез
Сууда джау джокъ, кёб сёзде магъана джокъ.
Къумурсхала джыйылсала, пилни да джыгъадыла.
Тойгъанлыкъ къойгъа джарашады.
Къарнынг ауруса, ауузунгу тый
Нарт сёз къарт болмаз.
Иги бла джюрюсенг, джетерсе муратынга, аман бла джюрюсенг, къалырса уятха.
Тойгъан джерге джети къайт.
Къууут – джелге, берне – бошха.
Арыгъан къош чамчы болур.
Экеу тутушса, биреу джыгъылыр.
Ач къарынны, токъ билмез
Билим – акъылны чырагъы.
Ёксюзню къалачы уллу кёрюнюр.
Магъанасыз сёз – тауушсуз сыбызгъы.
Бетинги сатма, малынгы сат.
Ашда уялгъан – мухар, ишде уялгъан – хомух.
