Баланы адам этген анады.
Джаралыны джастыгъында сау ёлюр.
Байлыкъ келсе, акъыл кетер.
Къыйынлы джети элге оноу этер.
Чабар ат – джетген къыз.
Билимсиз иш бармаз.
Джолда аягъынга сакъ бол, ушакъда тилинге сакъ бол.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Аллахха ийнаннган кишини, Аллах онгдурур ишин.
Ач бёрюге мекям джокъ.
Къазанчы аман болса, къазаны къайнамаз.
Кёл – къызбай, къол – батыр.
Эли джокъну – кёлю джокъ.
Акъылсызны джууукъгъа алма, акъыллыны кенгнге салма.
Суу кетер, таш къалыр.
Рысхы джалгъанды: келген да этер, кетген да этер.
Мал кёб болса, джууукъ кёб болур.
Тил джюрекге джол ишлейди.
Бастасын ашагъан, хантусун да ичер.
Ачлыкъ отха секиртир.
Ачлыкъда тары гырджын халыуадан татлы.
Джан саулукъ бермей, сан саулукъ бермезсе.
Билимли ёлмез, билимсиз кёрмез.
Къууут – джелге, берне – бошха.
Байлыкъ тауусулур, билим тауусулмаз.
Аз айтсам, кёб ангылагъыз.
Тёрдеги кюлсе, эшикдеги ышарыр.
Ётюрюкчюню шагъаты – къатында.
Ишге юренсин къоллары, халкъ бла болсун джоллары.
Эл тойса, тоймагъан, эл къойса, къоймагъан.
Бойнуму джети джерден кессенг да, мен ол ишни этеллик тюлме.
Байдан умут эте, джарлыдан ёгюз багъасы къорады.
Артына баргъанны, къатына барма.
Тойну къарнашы – харс, джырны къарнашы – эжиу.
Биреуню тёрюнден, кесинги эшик артынг игиди.
Ашыкъгъанны этеги бутуна чырмалыр.
Юйюнгден чыкъдынг – кюнюнгден чыкъдынг.
Накъырданы арты керти болур.
Адам къаллай бир ишленмесе, аллай бир кесин уллу кёреди.
Босагъагъа джууукъ орун болса, ашыгъыб тёрге озма.
Аш иеси бла татлыды.
Джуртун къоругъан озар.
Айтханы чапыракъдан ётмеген.
От кюйдюрген, сау болса да, тот кюйдюрген, сау болмаз.
Къыз чыгъаргъан – къызыл къымжа.
Ётюрюк хапар аякъ тюбю бла джюрюйдю.
Намысы джокъну – дуниясы джокъ.
Аманны тукъумуна къарама, игини тукъумун сорма.
Тамырсыз терекге таянма – джыгъылырса.
Тенгни тенглиги джашай барсанг билинир.
