Ышармагъан – кюлмез, кюлмеген – къууанчны билмез.
Тенгинг джокъ эсе – изле, бар эсе – сакъла!
Аманны къуугъан, аманлыкъ табар.
Кёл ашады да, кеси ашады.
Хунаны тюбюн къазсанг, юсюнге ауар.
Босагъа таш юйге кирмей эди, тыбыр таш эшикге чыкъмай эди.
Джыгъылгъанны сырты джерден тоймаз.
Кёзню ачылгъаны – иги, ауузну джабылгъаны – иги.
Тойну къарнашы – харс, джырны къарнашы – эжиу.
Ётюрюкню къуйругъу – бир тутум.
Биреуню эскиси биреуге джангы болмайды.
Элиб деген, элге болушур.
Ишлегенде эринме, ишде чолакъ кёрюнме.
Къартха ушагъан джаш – акъыллы, джашха ушагъан къарт – тели.
Къарыусузгъа кюлме, онгсузгъа тийме.
Аз сёлеш, кёб ишле.
Кютгени беш эчки, сызгъыргъаны уа, джерни джарады.
Ётюрюкчюню шагъаты – къатында.
Орундукъ тюбюнде атылсам да, орта джиликме, де да айлан.
Сакъламагъан затынга джолукъсанг, не бек къууанаса, не бек ачыйса.
Борчунг бар эсе, хурджунунга ойлаб узал.
Иги – алгъыш этер, аман – къаргъыш этер.
Бастасын ашагъан, хантусун да ичер.
Эм уллу байлыкъ – джан саулукъ.
Билим къая тешер.
Къазанны башы ачыкъ болса, итге уят керекди.
Къарт бла баш аша, джаш бла аякъ аша.
Чомарт джарлы болмаз.
Кёзюнде тереги болгъан, чёбю болгъаннга кюле эди.
Тешик этген тынчды, аны джамагъан къыйынды.
Ашхы сёз таш тешер.
Башда акъыл болмаса, эки аякъгъа кюч джетер.
Къонакъ хазыр болгъанлыкъгъа, къонакъбай хазыр тюлдю.
Адамны артындан къара сабан сюрме.
Ёлюк кебинсиз къалмаз.
Ана къолу ачытмаз.
Аджаллыгъа окъсуз шкок атылыр.
Хар адамгъа кеси миннген тау кибик.
Джаханимни кёрмей, джандетге кёл салмазса.
Къайтырыкъ эшигинги, къаты уруб чыкъма.
Билим – акъылны чырагъы.
Джаным-тиним – окъуу, билим.
Биреу ашаб къутулур, биреу джалаб тутулур.
Къыз чыгъаргъан – къызыл къымжа.
Таукел адам тау тешер.
Тай асырагъан, атха минер.
Къызгъанчдан ычхыныр, мухардан ычхынмаз.
Келгинчи, къонакъ уялыр, келгенден сора, къонакъбай уялыр.
Ашыкъгъан cуу, тенгизге джетмез.
Акъыл къартда, джашда тюйюлдю – башдады.
