Хатерли къул болур.
Бети бедерден, намыс сакълама.
Башда акъыл болмаса, эки аякъгъа кюч джетер.
Эл элде бирер малынг болгъандан эсе, бирер тенгинг болсун.
Аджашхан тёгерек айланыр.
Ишни ахырын ойламай, аллын башлама.
Ач, тоймам, дейди, тойгъан, ач болмам, дейди.
Сескекли кесин билдирир.
Биреуню эскиси биреуге джангы болмайды.
Тилде сюек болмаса да, сюек сындырыр.
Окъдан джара эртде-кеч болса да бителир, сёз джара, ёмюрге къалыр.
Адамны сабийин сюйген джюреги, бычакъча, джитиди.
Кийиминг бла танылма, адамлыкъ бла таныл.
Аманны тукъумуна къарама, игини тукъумун сорма.
Адам сёзюнден белгили.
Къаллай салам берсенг, аллай джууаб алырса.
Биреуге аманлыкъ этиб, кесинге игилик табмазса.
Келгинчи, къонакъ уялыр, келгенден сора, къонакъбай уялыр.
Кирсизни – саны таза, халалны – къаны таза.
Халкъны джырын джырласанг, халкъ санга эжиу этер.
Юйюнг бла джау болгъандан эсе, элинг бла джау бол.
Айыбны суу бла джууалмазса.
Шапа кёб болса, аш татымсыз болур.
Алтыда кюлмеген, алтмышда кюлмез.
Билгенни къолу къарны джандырыр.
Асхат ашлыкъ сата, юйдегиси ачдан къата.
Накъырда – кертини келечиси.
Тау башында, тау болмаз, джангыз терек, бау болмаз.
Тёрени джагъы джокъ.
Джауумдан сора, кюн кюйдюрюр, ётюрюкден сора, айыб кюйдюрюр.
Тёгюлген тюгел джыйылмайды.
Мадар болса, къадар болур.
Айтылгъан буйрукъ, сёгюлмез
Аманнга да, игиге да оноусуз къатышма.
Юй ишлеген балта эшикде къалыр.
Аман къатын алгъан, арыр, иги къатын алгъан джарыр.
Джарлыны тону джаз битер.
Тулпарлыкъ, билекден тюл – джюрекден.
Ашхы сёз таш тешер.
Зарда марда джокъ.
Чакъырылмай келген къонакъ сыйланмай кетер.
Кёлсюзден сёзсюз тууар.
Ёгюзню мюйюзюнден тутадыла, адамны сёзюнден тутадыла.
Башланнган иш битер, къымылдагъан тиш тюшер.
Ачыу алгъа келсе, акъыл артха къалады.
Адамны адамлыгъы къыйынлыкъда айгъакъланады.
Ашхылыкъ джерде джатмайды, аманлыкъ суугъа батмайды.
Джыйырма къойну юч джыйырма эбзе кюте эди.
Сёлеш деб шай берген, тохта деб, сом берген.
Арбаз сайлама да, хоншу сайла.
