Адеб этмеген, адеб кёрмез.
Айтылгъан сёз ызына къайтмаз.
Джигер – джаннга къыйынлыкъ.
Халкъны юйю – туугъан джери.
Иши джокъну, сыйы джокъ.
Аш иеси бла татлыды.
Ата – билек, ана – джюрек!
Джол бла сёзню къыйыры джокъ.
Тёрени джагъы джокъ.
Этни да ашады, бетни да ашады.
Тау башында, тау болмаз, джангыз терек, бау болмаз.
Дуния аламаты сен эсенг да, игиме деб айтма.
Адебсиз адам – джюгенсиз ат.
Сёлеш деб шай берген, тохта деб, сом берген.
Айранын берсенг, челегин да къызгъанма.
Нафысынгы айтханын этме, намысынгы айтханын эт.
Иги сеники эсе да, сюйген кесимикин этеме.
Окъдан джара эртде-кеч болса да бителир, сёз джара, ёмюрге къалыр.
Алтыда кюлмеген, алтмышда кюлмез.
Бозанг болмагъан джерге, къалагъынгы сукъма.
Эр абынмай, эл танымаз.
Тил бла келеди джыр да.
Уллу айтханны этмеген – уллаймаз.
Алтыннга тот къонмаз.
Сууда джау джокъ, кёб сёзде магъана джокъ.
Хар адамгъа кеси миннген тау кибик.
Махтаннган къыз, тойда джукълар.
Ач да бол, токъ да бол – намысынга бек бол.
Чабакъсыз кёлге къармакъ салгъанлыкъгъа, чабакъ тутмазса.
Аз сёлешген, къайгъысыз турур.
Мал ёлсе, сюек къалыр, адам ёлсе, иши къалыр.
Ариу сёзде ауруу джокъ.
Ата Джуртуму башы болмасам да, босагъасында ташы болайым.
Эркишини аманы тиширыуну джылатыр.
Кёпюр салгъан кеси ётер, уру къазгъан кеси кетер.
Эшекни не къадар тюйсенг да, ат болмаз.
Джан саулукъ бермей, сан саулукъ бермезсе.
Ариу сёз джыланны орнундан чыгъарыр.
Окъуу – билимни ачхычы, окъуу – дунияны бачхычы.
Тели турса – той бузар.
Битмегеннге сакъал – танг.
Мухардан ач ычхынмаз.
Тюкюрюк баш джармаз, налат кёз чыгъармаз!
Ёзденликни джайгъан – джокълукъ.
Къан бла кирген, джан бла чыгъар.
Чалманны аллы къалай башланса, арты да алай барады.
Накъырда – кертини келечиси.
Ариуну – ауруу кёб.
Ёгюзню мюйюзлери ауурлукъ этмейдиле.
Орну джокъну – сыйы джокъ.
