Башынга джетмегенни сорма.
Эски джаугъа ышанма.
Ёлген ийнек сютлю болур.
Ачны эсинде – аш.
Джырына кёре эжиую.
Тойгъа алгъа да барма, тойда артха да къалма.
Чыкълы кюнде чыкъмагъан, чыкъса къуру кирмеген.
Бек ашыкъгъан меннге джетсин, дегенди аракъы.
Кюн – узун, ёмюр – къысха.
Эл ауузу – элек, анга ийнаннган – халек.
Арыгъан къош чамчы болур.
Бет бетге къараса, бет да джерге къарар.
Адеб этмеген, адеб кёрмез.
Чабар ат – джетген къыз.
Ёксюзню къалачы уллу кёрюнюр.
Кесинге джетмегенни, кёб сёлешме.
Ишленмеклик адамлыкъды.
Байлыкъ адамны сокъур этер.
Олтуруб кёрюнмей эди да, ёрге туруб кёрюне эди.
Къошда джокъгъа – юлюш джокъ.
Тамбла алтындан бюгюн багъыр ашхы.
Асхат ашлыкъ сата, юйдегиси ачдан къата.
Итли къонакъ джарашмаз.
Иги джашны ышаны – аз сёлешиб, кёб тынгылар.
Кёзден кетген, кёлден да кетеди.
Бир онгсуз адам адет чыгъарды, деб эштирик тюлсе.
Экиндини кеч къылсанг, чабыб джетер ашхам.
Тас болгъан бычакъны сабы – алтын.
Джаш къарыу бла кючлю, къарт акъыл бла кючлю.
Иги болса, тамадама – махтау, аман болса, меннге – айыб.
Ауурну тюбю бла, дженгилни башы бла джюрюген.
Келлик заман – къартлыкъ келтирир, кетген заман – джашлыкъ ёлтюрюр.
Джылыгъа джылан илешир.
Тешигини къатында, чычхан да батыр болур.
Болджал ишни бёрю ашар.
Джылар джаш, атасыны сакъалы бла ойнар.
Адеб базарда сатылмаз.
Иги сёз – джаннга азыкъ, аман сёз башха – къазыкъ.
Къуру гыбыт бек дыгъырдар.
Ата Джуртча джер болмаз, туугъан элча эл болмаз.
Алма терегинден кери кетмез.
Кёб джат да, бек чаб.
Иги бла джюрюсенг, джетерсе муратынга, аман бла джюрюсенг, къалырса уятха.
Ач да бол, токъ да бол – намысынга бек бол.
Ёлген аслан – сау чычхан.
Аманны тукъумуна къарама, игини тукъумун сорма.
Сууда джау джокъ, кёб сёзде магъана джокъ.
Билмезни кёзю кёрмез, этмезни къулагъы эшитмез.
Къарт бла баш аша, джаш бла аякъ аша.
Джаханимни кёрмей, джандетге кёл салмазса.
