Тас болгъан бычакъны сабы – алтын.
Артына баргъанны, къатына барма.
Аджалсыз ёлюм болмаз.
Иги сеники эсе да, сюйген кесимикин этеме.
Ачылгъан эт джабылыр, кёрген кёз унутмаз.
Чыбыкълыкъда бюгюлмеген, къазыкълыкъда бюгюлмей эди.
Ана кёлю – балада, бала кёлю – талада.
Джеринден айырылгъан – джети джылар, джуртундан айырылгъан – ёлгюнчю джылар.
Байлыкъ келсе, акъыл кетер.
Хар сёзню орну барды.
Таш бла ургъанны, аш бла ур.
«Ма», - дегенни билмесенг, «бер», - дегенни билмезсе.
Бети къызарыучу адамны, джюреги харам болмаз.
Юйюнг бла джау болгъандан эсе, элинг бла джау бол.
Окъугъан – асыу, окъумагъан – джарсыу.
Къарнынг къанлынга кийирир.
Аджаллыгъа окъсуз шкок атылыр.
Джумушакъ терекни къурт ашар.
Кийимни бичсенг, кенг бич, тар этген къыйын тюлдю.
Хата – гитчеден.
Алтыда кюлмеген, алтмышда кюлмез.
Кийим тукъум сордурур.
Аз сёлешген, къайгъысыз турур.
Джетген къыз джерли эшекни танымаз.
Айырылмаз джууугъунга, унутмаз сёзню айтма.
Сакъ юйюне сау барыр.
Къызгъанчдан ычхыныр, мухардан ычхынмаз.
Таукел тауну аудурур.
Ауругъанны сау билмез, ач къарынны токъ билмез.
Адебни адебсизден юрен.
Байдан умут эте, джарлыдан ёгюз багъасы къорады.
Бек ашыкъгъан меннге джетсин, дегенди аракъы.
Къатыны харакетли болса, эри къымсыз болур.
Мал кёб болса, джууукъ кёб болур.
Чабакъ башындан чирийди.
Джашда акъыл джокъ, къартда къарыу джокъ.
Ишин билген, аны сыйын чыгъарады.
Билген билмегенни юретген адетди.
Агъач халкъгъа алтынды, иссиликге салкъынды.
Ушамагъан – джукъмаз.
Тюкюрюк баш джармаз, налат кёз чыгъармаз!
Къонакъ аман болса, къонакъбай джунчур
Ачлыкъда тары гырджын халыуадан татлы.
Тамбла алтындан бюгюн багъыр ашхы.
Иши джокъну, сыйы джокъ.
Татлы сёз – балдан татлы.
Акъыл аздырмаз, билим тоздурмаз.
Ишлегенде эринме, ишде чолакъ кёрюнме.
Нарт сёз – тилни бети.
Билим ат болуб да чабар, къуш болуб да учар.
