Ашхы – джыяр, аман – джояр.
Эл тойса, тоймагъан, эл къойса, къоймагъан.
Магъанасыз сёз – тауушсуз сыбызгъы.
Ауругъан – джашаудан умутчу.
Ата джурт – алтын бешик.
Артына баргъанны, къатына барма.
Ургъан суудан башынгы сакъла.
Тура эдим джата, къайдан чыкъды хата?
Келинни – келгинчи, бёркню кийгинчи кёр.
Къайгъы тюбю – тенгиз.
Ёлмесенг да, къарт дамы болмазса?
Кечеси – аяз, кюню – къыш, джарлы къаргъагъа бир аш тюш!
Ёмюрлюк шохлукъну джел элтмез.
Иги сеники эсе да, сюйген кесимикин этеме.
Эки ойлашыб, бир сёлешген.
Кёл – къызбай, къол – батыр.
Борчунг бар эсе, хурджунунга ойлаб узал.
Игиге айтсанг – билир, аманнга айтсанг – кюлюр.
Иги адам абынса да, джангылмаз.
Ишленмеген джаш – джюгенсиз ат, ишленмеген къыз – тузсуз хант.
Тёрдеги кюлсе, эшикдеги ышарыр.
Ишни ахырын ойламай, аллын башлама.
Ашын ашагъанынгы, башын да сыйла.
Дуния мал дунияда къалады.
Джыланны къуйругъундан басарынг келсе, аны башы болгъанын унутма.
Джети тилни билген джети кишиди.
Джырчы ёлсе, джыры къалыр.
Чакъырылмагъан къонакъ – орунсуз.
Ёлген эшек бёрюден къоркъмайды.
Эм ашхы къайын ана мамукъ бла башынгы тешер.
Адеб джокъда, намыс джокъ.
Ишлегенде эринме, ишде чолакъ кёрюнме.
Дженгил джетерикме деб, узун джолну къоюб, къысхасын барма.
Джыгъылгъанны сырты джерден тоймаз.
Экеу тутушса, биреу джыгъылыр.
Хар ишни да аллы къыйынды.
Сакъ юйюне сау барыр.
Сёз сёзню айтдырыр.
Бир абыннган – минг сюрюнюр.
Игилик игилик бла сингдирилиучю затды.
Баргъанынга кёре болур келгенинг.
Сыфатында болмагъаны, суратында болмаз.
Намыс болмагъан джерде, насыб болмаз.
Окъуусуз билим – джокъ, билимсиз кюнюнг – джокъ.
Хунаны тюбюн къазсанг, юсюнге ауар.
Тойгъан джерге джети къайт.
Тынгылагъан тынгы бузар.
Тойчу джашха къарама, къойчу джашха къара.
Ариу сёз джыланны орнундан чыгъарыр.
Тешигини къатында, чычхан да батыр болур.
