Тёрде – темир таякълы, къаяда – чыпчыкъ аякълы.
Таукел къуру къалмаз.
Джангыз терек къынгыр ёсер.
Билимден уллу байлыкъ джокъду.
Къолунгдан къуймакъ ашатсанг да, атаны борчундан къутулмазса.
Къартны бурнун сюрт да, оноугъа тут.
Ариу сёз – къылычдан джити.
Хатерли къул болур.
Адеби болмагъан къыз – тузсуз хант.
Бозанг болмагъан джерге, къалагъынгы сукъма.
Тил джюрекге джол ишлейди.
Аманны эки битли тону болур, бирин сеннге кийдирир, бирин кеси киер.
Ёлген аслан – сау чычхан.
Тил – кесген бычакъ, сёз – атылгъан окъ.
Рысхы – насыбха къор.
Чабакъ башындан чирийди.
Къызын тута билмеген, тул этер, джашын тута билмеген, къул этер.
Экеу тутушса, биреу джыгъылыр.
Кийимни бичсенг, кенг бич, тар этген къыйын тюлдю.
Ариу сёз – джаннга азыкъ, аман сёз – башха къазыкъ.
Ашлыкъны арба юйге келтирир, чана базаргъа элтир.
Босагъа таш юйге кирмей эди, тыбыр таш эшикге чыкъмай эди.
Адамны сыфатына къарама, сёзюне къара.
Биреуге аманлыкъ этиб, кесинге игилик табмазса.
Ана кёлю – балада, бала кёлю – талада.
Арпа, будай – ащды, алтын, кюмюш а – ташды.
Мухардан ач ычхынмаз.
Ойнай-ойнай кёз чыгъар.
Окъуусуз билим – джокъ, билимсиз кюнюнг – джокъ.
Баргъанынга кёре болур келгенинг.
Башланнган иш битер, къымылдагъан тиш тюшер.
Юйлю уругъа ит чабмаз.
Билмегенинги, билгеннге сор.
Ариу джол аджал келтирмез.
Этни да ашады, бетни да ашады.
Кюл тюбюндеги от кёрюнмейди.
Башда акъыл болмаса, эки аякъгъа кюч джетер.
Эринчекни эр алмаз, эр алса да, кёл салмаз, кёл салса да, кёб бармаз!
Аз сёлешген, къайгъысыз турур.
Аманнга да, игиге да оноусуз къатышма.
Чакъырылмагъан къонакъ тёрге атламаз.
Джырчы джырчыгъа – къарнаш.
Чабар ат – джетген къыз.
Бермеген къол, алмайды.
Ёлмесенг да, къарт дамы болмазса?
Кесине оноу эте билмеген, халкъына да эте билмез.
Башы ишлегенни, ауузу да ишлер.
Хазыр ашха – терен къашыкъ.
Чомартха Тейри да борчлуду.
Ойнаб айтсанг да, эслеб айт.
