Таукелге нюр джауар.
Ариу сёзде ауруу джокъ.
Этим кетсе да, сюегим къалыр.
Къыйынлы джети элни къайгъысын этер.
Гугук кесини атын айтыб къычыргъанча, мен, мен деб нек тураса?
Джиби бир къат джетмей эди да, эки къат тарта эди.
Босагъа таш юйге кирмей эди, тыбыр таш эшикге чыкъмай эди.
Къая джолда джортма, ачыкъ сёзден къоркъма.
Тойгъан антын унутур.
Хар адамгъа кеси миннген тау кибик.
Чомартны къолу берекет.
Байлыкъ адамны сокъур этер.
Шекер бла туз – бир болмаз, ушамагъан – юй болмаз.
Накъырда – кертини келечиси.
Ач, тоймам, дейди, тойгъан, ач болмам, дейди.
Джумушакъ терекни къурт ашар.
Джаш болсун, къыз болсун, акъылы, саны тюз болсун.
Тёрдеги кюлсе, эшикдеги ышарыр.
Сабийликде юретмесенг, уллу болса – тюзелмез.
Ёзденликни кёбю ётюрюк.
Туз, гырджын аша, тюзлюк бла джаша.
Тешик этген тынчды, аны джамагъан къыйынды.
Тас болгъан бычакъны сабы – алтын.
Тил бла келеди джыр да.
Тай асырагъан, атха минер.
Эркишини аманы тиширыуну джылатыр.
Чакъырылмагъан къонакъ къачан кетерин сормаз.
Эртде тургъан джылкъычыны эркек аты тай табар.
Эринчекге кюн узун.
Малны кют, джерни тюрт.
Ашхы – джыяр, аман – джояр.
Ашхы адам – халкъ байлыгъы, ашхы джер – джашау байлыгъы.
Иги сеники эсе да, сюйген кесимикин этеме.
Аджалсыз ёлюм болмаз.
Тойну къарнашы – харс, джырны къарнашы – эжиу.
Сакъалы текени да бар, мыйыгъы киштикни да бар.
Босагъагъа джууукъ орун болса, ашыгъыб тёрге озма.
Киштикге къанат битсе, чыпчыкъ къалмаз эди.
Тил джюрекге джол ишлейди.
Атадан ёксюз – бир ёксюз, анадан ёксюз – эки ёксюз.
Оюмсуз атлагъан, аджалсыз ёлюр.
Ач да бол, токъ да бол – намысынга бек бол.
Ашха уста, юйюнде болсун
Ауурну тюбю бла, дженгилни башы бла джюрюген.
Этни бети бла шорпасы.
Хаухну атма, ёнгкючню сатма.
Узун джолну барсанг, бюгюн келирсе, къысха джолну барсанг, тамбла келирсе.
Эртде тургъан бла эртде юйленнген сокъуранмаз.
Бетинги сатма, малынгы сат.
Къыз чыгъаргъан – къызыл къымжа.
