Ач къарынны, токъ билмез
Шапа кёб болса, аш татымсыз болур.
Ашхы адам – халкъ байлыгъы, ашхы джер – джашау байлыгъы.
Къобан да къуру да къобханлай турмайды, адам да къуру да патчахлай турмайды.
Бойнуму джети джерден кессенг да, мен ол ишни этеллик тюлме.
Кёзю сокъурдан – къоркъма, кёлю сокъурдан – къоркъ.
Намысы болмагъанны, сыйы болмаз.
Ёлген ийнек сютлю болур.
Мадар болса, къадар болур.
Адамны сыфатына къарама, сёзюне къара.
Байлыкъ адамны сокъур этер.
Тай асырагъан, атха минер.
Эки итни арасына сюек атма, эки адамны арасында сёз чыгъарма.
Термилгенинги табмазса, кюлгенинге тюберсе.
Сёз садакъдан кючлюдю.
Кирсизни – саны таза, халалны – къаны таза.
Сёлеш деб шай берген, тохта деб, сом берген.
Гугурук къычырмаса да, тангны атары къалмаз.
Аман адам элни бир-бирине джау этер.
Рысхы – насыбха къор.
Эли джокъну – кёлю джокъ.
Ашхы болсанг, атынг чыгъар, аман болсанг, джанынг чыгъар.
Къанны къан бла джуума, аманны аман бла къуума.
Уллу суу бла уллу ауруудан башынгы сакъла.
Экеулен сёлеше тура эселе, орталарына барыб кирме.
Ойнай билмеген, оюн бузар.
Ёлген эшек бёрюден къоркъмайды.
Аякъларынгы джууургъанынга кёре узат.
Тин – байлыгъынг, терен саулугъунг.
Алтыда кюлмеген, алтмышда кюлмез.
Чомарт къонакъ юй иесин сыйлар.
Ётюрюкчюню шагъаты – къатында.
Суу да къайтады чыкъгъан джерине.
Адам къыйынлыгъын кёлтюрюр, зауукълугъун кёлтюрмез.
Чомартны къолун джокълукъ байлар.
Джарлы эскисин джамаса, къууаныр.
Аш кетер да бет къалыр.
Керилген да, ургъан кибикди.
Ётюрюкден тюбю джокъ, кёлтюрюрге джиби джокъ.
Аш берме да, къаш бер.
Садакъачыны джаны – къапчыгъында.
Къан бла кирген, джан бла чыгъар.
Джырчы ёлсе, джыры къалыр.
Къыз тиширыу кеси юйюнде да къонакъды.
Алгъанда – джууукъ, бергенде – джау.
Адеби болмагъан къыз – тузсуз хант.
Агъач – джерни чырайы, кийим – эрни чырайы.
Суугъа – чабакъ, къаягъа – ыргъакъ.
Ач келгенни – тойдур, кеч келгенни – къондур.
Джылкъыдан – ат чыгъар, тукъумдан – джаш чыгъар.
