Эм уллу байлыкъ – джан саулукъ.
Алма терегинден кери кетмез.
Ойнаб айтсанг да, эслеб айт.
Чыбыкълыкъда бюгюлмеген, къазыкълыкъда бюгюлмей эди.
Сёз – кюмюш, джыр – алтын.
Джырына кёре эжиую.
Суу да къайтады чыкъгъан джерине.
Аз айтсам, кёб ангылагъыз.
Ауругъан – джашаудан умутчу.
Къумурсхала джыйылсала, пилни да джыгъадыла.
Ат басханны джер билед.
От этилмеген джерден тютюн чыкъмайды.
Огъурлуну сёзю – суу, огъурсузну сёзю – уу.
Кийим тукъум сордурур.
Уллу атлама – абынырса, уллу къабма – къарылырса.
Кёб къычыргъандан – къоркъма, тынч олтургъандан – къоркъ.
Элни кючю – эмеген.
Башы джабылгъан челекге, кир тюшмез.
Игилик игилик бла сингдирилиучю затды.
Тешигини къатында, чычхан да батыр болур.
Аманнга алтын чыдамаз.
Атлыны кёрсе, джаяуну буту талыр.
Намысы джокъну – дуниясы джокъ.
Тюзлюк тас болмайды.
Дууулдаса – бал чибин, къонса – къара чибин.
Таугъа чыгъаллыкъ эсенг, тюзде къалма.
Ётюрюкню башын керти кесер.
Джаш болсун, къыз болсун, акъылы, саны тюз болсун.
Агъач – джерни чырайы, кийим – эрни чырайы.
Киштикге къанат битсе, чыпчыкъ къалмаз эди.
Ёксюзню тилеги къабыл болур.
Мадар болса, къадар болур.
Насыблы элин сюер, насыбсыз кесин сюер.
Джарлыны тону джаз битер.
Этек чакъмакълары баш джаргъан, сёлешген сёзлери таш джаргъан.
Джангыз торгъай джырламаз.
Джеринден айырылгъан – джети джылар, джуртундан айырылгъан – ёлгюнчю джылар.
Эл ауузу – элек, анга ийнаннган – халек.
Биреуню эскиси биреуге джангы болмайды.
Агъач халкъгъа алтынды, иссиликге салкъынды.
Ишин билген, аны сыйын чыгъарады.
Аман эсирсе, юйюн ояр.
Эрни эр этерик да, къара джер этерик да, тиширыуду.
Аллахдан тилесенг, кёб тиле.
Мени джылытмагъан кюн, меннге тиймесин!
Тамчы таш тешер.
Къызын тута билмеген, тул этер, джашын тута билмеген, къул этер.
Ёзденликни джайгъан – джокълукъ.
Мал кёб болса, джууукъ кёб болур.
Накъырда – кертини келечиси.
