Зар адамны насыбы болмаз.
Джаш болсун, къыз болсун, акъылы, саны тюз болсун.
Джылкъыдан – ат чыгъар, тукъумдан – джаш чыгъар.
Биреуге аманлыкъны тилеме да, кесинге ашхылыкъны тиле.
Айтхан сёзюне табылгъан.
Тай асырагъан, атха минер.
Арба аугъандан сора, джол кёргюзтюучю кёб болур.
Джарлы эскисин джамаса, къууаныр.
Айраннга суу къош, телиге джол бош.
Аш берме да, къаш бер.
Булут кёкге джарашыу, уят бетге джарашыу.
Къумурсхала джыйылсала, пилни да джыгъадыла.
Борчунг бар эсе, хурджунунга ойлаб узал.
Ушамагъан – джукъмаз.
Тилчиден кери бол.
Чакъырылмагъан джерге барма, чакъырылгъан джерден къалма.
Ашлыкъны арба юйге келтирир, чана базаргъа элтир.
Тойгъан джерге джети къайт.
Кюн – узун, ёмюр – къысха.
Эл ауузу – элия.
Чабар ат – джетген къыз.
Къан бла кирген, джан бла чыгъар.
Ариу сёз – джаннга азыкъ, аман сёз – башха къазыкъ.
Хоншуну тауугъу къаз кёрюнюр, келини къыз кёрюнюр.
Башынга джетмегенни сорма.
Ачыу алгъа келсе, акъыл артха къалады.
Телиге от эт десенг, юйюнге от салыр.
Окъугъан озар, окъумагъан тозар.
Кесине оноу эте билмеген, халкъына да эте билмез.
Суугъа – таянма, джаугъа – ийнанма.
Къралынгы – душмандан, башынгы от бла суудан сакъла.
Рысхысына кёре, джаш ёсер, къышлыгъына кёре, мал ёсер.
Кенгеш болса, уруш болмаз.
Итли къонакъ джарашмаз.
Къайтырыкъ эшигинги, къаты уруб чыкъма.
Биреуге кёлтюрген таягъынг, кесинги башынга урур.
Къошда джокъгъа – юлюш джокъ.
Ашхы атаны – джашы ашхы, ашхы ананы – къызы ашхы.
Айныгъанлы алты кюн, тогъайгъанлы тогъуз кюн.
Илму – джашауну джолу.
Татлы тилде – сёз ариу, чемер къолда – иш ариу.
Ата Джуртча джер болмаз, туугъан элча эл болмаз.
Билим ат болуб да чабар, къуш болуб да учар.
Ёлюк кебинсиз къалмаз.
Акъыллы айтыр эди, акъылсыз къоймайды.
Уллу айтханны этмеген – уллаймаз.
Къарнынг къанлынга кийирир.
Айтхан – тынч, этген – къыйын.
Ауурну тюбю бла, дженгилни башы бла джюрюген.
Бети къызарыучу адамны, джюреги харам болмаз.
