- Татлы сёз – балдан татлы.
- Агъач халкъгъа алтынды, иссиликге салкъынды.
- Джылкъыдан – ат чыгъар, тукъумдан – джаш чыгъар.
- Ушамагъан – джукъмаз.
- Джангызны оту джарыкъ джанмаз!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джаханимни кёрмей, джандетге кёл салмазса.
- Рысхысына кёре, джаш ёсер, къышлыгъына кёре, мал ёсер.
- Ашхылыкъ джерде джатмайды, аманлыкъ суугъа батмайды.
- Зарда марда джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Тойгъан антын унутур.
- Айран тёгюлсе, джугъусу къалыр.
- Берекет берсин деген джерде, берекет болур.
- Айтылгъан сёз ызына къайтмаз.
- Дуния малгъа сатылма, кесингден телиге къатылма.
- Баш – акъыл ючюн, акъылман – халкъ ючюн.
- Адам сёзюнден белгили.
- Ётюрюкден тюбю джокъ, кёлтюрюрге джиби джокъ.
- Тили узунну, намысы – къысха.
- Тюкюрюк баш джармаз, налат кёз чыгъармаз!
- Айтылгъан буйрукъ, сёгюлмез
- Ишленмеген джаш – джюгенсиз ат, ишленмеген къыз – тузсуз хант.
- Билим ат болуб да чабар, къуш болуб да учар.
- Этни бети бла шорпасы.
- Къарт айтханны этмеген, къартаймаз.
- Ойнаб айтсанг да, эслеб айт.
- Аман эсирсе, юйюн ояр.
- Тенги кёбню джау алмаз, акъылы кёбню дау алмаз.
- Айыбны суу бла джууалмазса.
- Билим насыб берир, билим джолну керир.
- Тиширыусуз юй – отсуз от джагъа.
- Юйлю уругъа ит чабмаз.
- Чабакъгъа акъыл, табагъа тюшсе келеди.
- Тилчи тилден къаныкъмаз.
- Сабий кёргенин унутмаз.
- Иги сеники эсе да, сюйген кесимикин этеме.
- Акъдан къара болмаз.
- Элни кючю – эмеген.
- Къартны сыйын кёрмеген, къартлыгъында сыйлы болмаз.
- Душманны тышы – акъ, ичи – къара.
- Ёзденликни кёбю ётюрюк.
- Кёб къычыргъандан – къоркъма, тынч олтургъандан – къоркъ.
- Зар адамны насыбы болмаз.
- Адам туугъан джеринде, ит тойгъан джеринде.
- Ата – билек, ана – джюрек!
- Сескекли кесин билдирир.
- Бек ашыкъгъан меннге джетсин, дегенди аракъы.
- Нарт сёз – тилни бети.
- Телиге от эт десенг, юйюнге от салыр.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)