- Билген билмегенни юретген адетди.
- Рысхысына кёре, джаш ёсер, къышлыгъына кёре, мал ёсер.
- Акъыл бла адеб эгизледиле.
- Къонакъ аз олтурур, кёб сынар.
- Байлыкъ келсе, акъыл кетер.
- Кёрмегеннге кебек – танг, битмегеннге сакъал – танг.
- Ат басханны джер билед.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аллахдан тилесенг, кёб тиле.
- Билим къая тешер.
- Суу кетер, таш къалыр.
- Иги джашны ышаны – аз сёлешиб, кёб тынгылар.
- Джарлыны эшигин махтагъан джабар.
- Эки къатын алгъанны къулагъы тынгнгаймаз.
- Къызгъанчдан ычхыныр, мухардан ычхынмаз.
- Джахил болса анасы, не билликди баласы?
- Ойнай билмеген, оюн бузар.
- Айраннга суу къош, телиге джол бош.
- Термилгенинги табмазса, кюлгенинге тюберсе.
- Тойгъан джерден туугъан джер игиди.
- Джети тилни билген джети кишиди.
- Башда акъыл болмаса, эки аякъгъа кюч джетер.
- Айтылгъан буйрукъ, сёгюлмез
- Аллахха ийнаннган кишини, Аллах онгдурур ишин.
- Эллинг бла джау болсанг да, юйюнг бла джау болма.
- Ариу – кёзге, акъыл – джюрекге.
- Баргъанынга кёре болур келгенинг.
- Тюз сёз баргъан сууну тыяр.
- Ашхы атаны – джашы ашхы, ашхы ананы – къызы ашхы.
- Окъумагъан сокъурду, сокъур ташха абыныр!
- Керек ташны ауурлугъу джокъ.
- Мени джылытмагъан кюн, меннге тиймесин!
- Накъырда – кертини келечиси.
- Къатын къылыкъсыз, эр тынчлыкъсыз.
- Чабар ат – джетген къыз.
- Иги сеники эсе да, сюйген кесимикин этеме.
- Тулпарлыкъ, билекден тюл – джюрекден.
- Къарын къуру болса, джюрек уру болур.
- Кийиминг бла танылма, адамлыкъ бла таныл.
- Таугъа чыгъаллыкъ эсенг, тюзде къалма.
- Артына баргъанны, къатына барма.
- Атлыны ашхысы, ат тизгининден билинир
- Алим болгъандан эсе, адам болгъан къыйынды.
- Чакъырылмагъан къонакъ къачан кетерин сормаз.
- Джашынгы кесинг юретмесенг, джашау юретир.
- Насыблы элин сюер, насыбсыз кесин сюер.
- Халкъны джырын джырласанг, халкъ санга эжиу этер.
- Урунуу – насыбны анасы.
- Кёб ант этген, кёб ётюрюк айтыр.
- Сескекли кесин билдирир.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)