- Ариу сёз джыланны орнундан чыгъарыр.
- Тенги кёбню джау алмаз, акъылы кёбню дау алмаз.
- Эркиши – от, тиширыу – суу.
- Шекер бла туз – бир болмаз, ушамагъан – юй болмаз.
- Кёл – къызбай, къол – батыр.
- Ана кёлю – балада, бала кёлю – талада.
- Хар адамгъа кеси миннген тау кибик.
- Аманны тукъумуна къарама, игини тукъумун сорма.
- Эркишиге тары кебек танг кёрюнюр.
- Ургъан суудан башынгы сакъла.
- Джетген къыз джерли эшекни танымаз.
- Уллу сёлешме да, уллу къаб.
- Сютню башын джалагъан къутулур, тюбюн ичген тутулур.
- Тилчи тилден къаныкъмаз.
- Хоншуну тауугъу къаз кёрюнюр, келини къыз кёрюнюр.
- Адамгъа аман кюн соруб келмейди.
- Биреу къой излей, биреу той излей.
- Айранын берсенг, челегин да къызгъанма.
- Элде адам къалмаса, ит тахтагъа минер.
- Керилген да, ургъан кибикди.
- Ёмюрлюк шохлукъну джел элтмез.
- Хансыз джомакъ болмаз.
- Этим кетсе да, сюегим къалыр.
- Къартны бурнун сюрт да, оноугъа тут.
- Къарт айтханны этмеген, къартаймаз.
- Аманнга алтын чыдамаз.
- Тынгылагъан тынгы бузар.
- Бичгенде ашыкъма, тикгенде ашыкъ.
- Эркишини аманы тиширыуну джылатыр.
- Иги джашны ышаны – аз сёлешиб, кёб тынгылар.
- Къартны сыйын кёрмеген, къартлыгъында сыйлы болмаз.
- Ат да турмайды бир териде.
- Баш – акъыл ючюн, акъылман – халкъ ючюн.
- Халкъны джырын джырласанг, халкъ санга эжиу этер.
- Тик ёргени, тик энгишгеси да болады.
- Билимсиз иш бармаз.
- Чакъырылмагъан къонакъ тёрге атламаз.
- Хар сёзню орну барды.
- Къолу уллу – асыу, аягъы уллу – джарсыу.
- Магъанасыз сёз – тауушсуз сыбызгъы.
- Эл тойса, тоймагъан, эл къойса, къоймагъан.
- Ёлген ийнек сютлю болур.
- Къонакъ аман болса, къонакъбай джунчур
- Билимден уллу байлыкъ джокъду.
- Ишни ахырын ойламай, аллын башлама.
- Айтханы чапыракъдан ётмеген.
- Чарсда алчыны эл кёреди.
- Адам сёзге тынгыла, акъыл сёзню ангыла.
- Джерни букъусу кёкге къонмаз.
- Адамны артындан къара сабан сюрме.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)