- Чомартха Тейри да борчлуду.
- Ата – баланы уясы.
- Тилчиден кери бол.
- Къатын байлыкъны сюер, эр саулукъну сюер.
- Эшекни не къадар тюйсенг да, ат болмаз.
- Рысхы – насыбха къор.
- Аман хансны – урлугъу кёб.
- Аманны тукъумуна къарама, игини тукъумун сорма.
- Кёб ант этген, кёб ётюрюк айтыр.
- Айныгъанлы алты кюн, тогъайгъанлы тогъуз кюн.
- Тамбла алтындан бюгюн багъыр ашхы.
- Къарнынг бла ёч алма.
- Мадар болса, къадар болур.
- Сакъламагъан затынга джолукъсанг, не бек къууанаса, не бек ачыйса.
- Тенгинг джокъ эсе – изле, бар эсе – сакъла!
- Джети тилни билген джети кишиди.
- Сабий кёргенин унутмаз.
- Атадан ёксюз – бир ёксюз, анадан ёксюз – эки ёксюз.
- Биреуге кёлтюрген таягъынг, кесинги башынга урур.
- Тил джюрекге джол ишлейди.
- Биреуню тёрюнден, кесинги эшик артынг игиди.
- Аджал соруб келмез, келсе, къайтыб кетмез.
- Тай асырагъан, атха минер.
- Душманны тышы – акъ, ичи – къара.
- Айтылгъан буйрукъ, сёгюлмез
- Гырджын – тепсини тамадасы.
- Ашыкъгъан cуу, тенгизге джетмез.
- Чабакъсыз кёлге къармакъ салгъанлыкъгъа, чабакъ тутмазса.
- Алгъанда – джууукъ, бергенде – джау.
- Байма, деб да, къууанма, джарлыма, деб да, джылама.
- Эркиши – от, тиширыу – суу.
- Кюлме джашха – келир башха.
- Ариу сёз аурууунгу алыр.
- Эртде тургъан джылкъычыны эркек аты тай табар.
- Чакъырылмай келген къонакъ сыйланмай кетер.
- Кесине гебен этелмеген, биреуге черен эте эди.
- Тойну къарнашы – харс, джырны къарнашы – эжиу.
- Къазанны башы ачыкъ болса, итге уят керекди.
- Сютню башын джалагъан къутулур, тюбюн ичген тутулур.
- Джашны джигитлиги сорулур, къызны джигерлиги сорулур.
- Тил – миллетни джаны.
- Баланы адам этген анады.
- Эркишини аманы тиширыуну джылатыр.
- Термилгенинги табмазса, кюлгенинге тюберсе.
- Джангыз торгъай джырламаз.
- Аманнга игилик этсенг, юйюнге сау бармазса.
- Адамны бетине къарама, адетине къара.
- Айран ичген – къутулду, джугъусун джалагъан – тутулду.
- Эли джокъну – кёлю джокъ.
- Таугъа чыгъаллыкъ эсенг, тюзде къалма.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)