- Джахил болса анасы, не билликди баласы?
- Телиге акъыл салгъандан эсе, ёлгеннге джан салырса.
- Биреуге кёлтюрген таягъынг, кесинги башынга урур.
- Этни бети бла шорпасы.
- Бир онгсуз адам адет чыгъарды, деб эштирик тюлсе.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кесинг сынамагъан затны, адамгъа буюрма.
- Джангызны оту джарыкъ джанмаз!
- Халкъгъа джарагъан, джарлы къалмаз.
- Ётюрюкню къуйругъу – бир тутум.
- Башланнган иш битер, къымылдагъан тиш тюшер.
- Байны къызы баймакъ болса да, юйде къалмаз!
- Ачыу алгъа келсе, акъыл артха къалады.
- Аманны къуугъан, аманлыкъ табар.
- Элде адам къалмаса, ит тахтагъа минер.
- Къартха ушагъан джаш – акъыллы, джашха ушагъан къарт – тели.
- Хар адамгъа кеси миннген тау кибик.
- Джылар джаш, атасыны сакъалы бла ойнар.
- Сескекли кесин билдирир.
- Чомартха хар кюн да байрамды.
- Ачлыкъда тары гырджын халыуадан татлы.
- Эски джаугъа ышанма.
- Байлыкъ адамны сокъур этер.
- Билмегенинги, билгеннге сор.
- Къая джолда джортма, ачыкъ сёзден къоркъма.
- Билими азны – ауузунда кирит.
- Хар сёзню орну барды.
- Джыйырма къойну юч джыйырма эбзе кюте эди.
- Дуния мал дунияда къалады.
- Джангыз терек къынгыр ёсер.
- Къулакъдан эсе, кёзге ышан.
- Чарсда алчыны эл кёреди.
- Атынг аманнга чыкъгъандан эсе, джанынг тамагъынгдан чыкъсын.
- Сибиртки да сыйлы болду, кюрек да кюнлю болду.
- Урунуу – насыбны анасы.
- Келинни – келгинчи, бёркню кийгинчи кёр.
- Тин – байлыгъынг, терен саулугъунг.
- Тойну къарнашы – харс, джырны къарнашы – эжиу.
- Сютню башын джалагъан къутулур, тюбюн ичген тутулур.
- Ойнай-ойнай кёз чыгъар.
- Ариу сёз джыланны орнундан чыгъарыр.
- Чакъырылмагъан джерге барма, чакъырылгъан джерден къалма.
- Адебни адебсизден юрен.
- Душманны тышы – акъ, ичи – къара.
- Ауругъаннга – кийик саулукъ, джетген къызгъа – чилле джаулукъ.
- Бир абыннган – минг сюрюнюр.
- Тойгъан джерге джети къайт.
- Джылыгъа джылан илешир.
- Къарнынг ауруса, ауузунгу тый
- Ичимден чыкъды хата, къайры барайым сата?
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)