- Эркишини аманы тиширыуну джылатыр.
- Кийимни бир кюнню аясанг, минг кюннге джарар.
- Эм ашхы къайын ана мамукъ бла башынгы тешер.
- Кесине оноу эте билмеген, халкъына да эте билмез.
- Эшекни не къадар тюйсенг да, ат болмаз.
- Иги сёз – джаннга азыкъ, аман сёз башха – къазыкъ.
- Аллахха ийнаннган кишини, Аллах онгдурур ишин.
- Хоншуну тауугъу къаз кёрюнюр, келини къыз кёрюнюр.
- Керилген да, ургъан кибикди.
- Аш берме да, къаш бер.
- Кёкдеги болмаса, джердегин кёрмейди.
- Аджаллыгъа окъсуз шкок атылыр.
- Эки къатын алгъан – эки ташны ортасына башын салгъан.
- Ёксюзню къалачы уллу кёрюнюр.
- Тай асырагъан, атха минер.
- Терек ауса, отунчу – кёб.
- Намысы джокъну – дуниясы джокъ.
- Окъуу – билимни ачхычы, окъуу – дунияны бачхычы.
- Аууз сакълагъан – джан сакълар.
- Эри аманны, къатыны – аман.
- Тилчи тилден къаныкъмаз.
- Тюзню ётмеги тюзде къалса да, тас болмаз.
- Кёзню ачылгъаны – иги, ауузну джабылгъаны – иги.
- Тил – кесген бычакъ, сёз – атылгъан окъ.
- Дууулдаса – бал чибин, къонса – къара чибин.
- Акъыл сабырлыкъ берир.
- Къолу уллу – асыу, аягъы уллу – джарсыу.
- Иги болса, тамадама – махтау, аман болса, меннге – айыб.
- Джол бла сёзню къыйыры джокъ.
- Алгъанда – джууукъ, бергенде – джау.
- Адам боллукъ, атламындан белгили болур.
- Хатерли къул болур.
- Байлыкъ тауусулур, билим тауусулмаз.
- Кийиминг бла танылма, адамлыкъ бла таныл.
- Сёлеш деб шай берген, тохта деб, сом берген.
- Эки ойлашыб, бир сёлешген.
- Атадан ёксюз – бир ёксюз, анадан ёксюз – эки ёксюз.
- Келлик заман – къартлыкъ келтирир, кетген заман – джашлыкъ ёлтюрюр.
- Олтуруб кёрюнмей эди да, ёрге туруб кёрюне эди.
- Ашарыкъда сайлагъаннга – чий гырджын.
- Ишленмеклик адамлыкъды.
- Кёбге таш атма.
- Ёлюр джаннга, ёкюл джокъ.
- Ачыкъ джюрекге джол – ачыкъ.
- Ойнаб айтсанг да, эслеб айт.
- Намыс болмагъан джерде, насыб болмаз.
- Адеб джокъда, намыс джокъ.
- Зар адамны насыбы болмаз.
- Къайгъыны сюйген, къайгъы табар.
- Чарсда алчыны эл кёреди.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)