- Азыкъ аз болса, эртде орун сал.
- Таукел къуру къалмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Ач отунчуну ачыуу – бурнунда.
- Юре билмеген ит, къонакъ келтирир.
- Бети къызарыучу адамны, джюреги харам болмаз.
- Чомарт къонакъ юй иесин сыйлар.
- Ишни ахырын ойламай, аллын башлама.
- Тил – кесген бычакъ, сёз – атылгъан окъ.
- Ойнай-ойнай кёз чыгъар.
- Адамны бетине къарама, адетине къара.
- Харам къарнашдан, халал тенг ашхы.
- Чакъырылмагъан къонакъ къачан кетерин сормаз.
- Аш кетер да бет къалыр.
- Тынгылагъан тынгы бузар.
- Къазанчы аман болса, къазаны къайнамаз.
- Чёбню кёлтюрсенг, тюбюнден сёз чыгъар.
- Чабакъгъа акъыл, табагъа тюшсе келеди.
- Къошда джокъгъа – юлюш джокъ.
- Акъдан къара болмаз.
- Тёгюлген тюгел джыйылмайды.
- Биреуню къыйынлыгъы бла кесинге джол ишлеме.
- Сабийни джумушха джибер да, ызындан бар.
- Тенги кёбню джау алмаз, акъылы кёбню дау алмаз.
- Джюз элде джюз ёгюзюм болгъандан эсе, джюз джууугъум болсун.
- Тилсиз миллет джокъ болур.
- Кёб къычыргъандан – къоркъма, тынч олтургъандан – къоркъ.
- Ашда – бёрю, ишде – ёлю.
- Эртде тургъан бла эртде юйленнген сокъуранмаз.
- Джангызны оту джарыкъ джанмаз!
- Ёгюзню мюйюзюнден тутадыла, адамны сёзюнден тутадыла.
- Орундукъ тюбюнде атылсам да, орта джиликме, де да айлан.
- Халкъгъа джарагъан, джарлы къалмаз.
- Ашхы сёз таш тешер.
- Тюзню ётмеги тюзде къалса да, тас болмаз.
- Алтыда кюлмеген, алтмышда кюлмез.
- Къан бла кирген, джан бла чыгъар.
- Кирсизни – саны таза, халалны – къаны таза.
- Сабий болмагъан джерде, мёлек болмаз.
- Ёксюзню къалачы уллу кёрюнюр.
- Термилгенинги табмазса, кюлгенинге тюберсе.
- Эл элде бирер малынг болгъандан эсе, бирер тенгинг болсун.
- Адам сёзге тынгыла, акъыл сёзню ангыла.
- Рысхы – сют юсюнде кёмюк кибикди.
- Арбаз къынгырды да, ийнек сауалмайма.
- Эли джокъну – кёлю джокъ.
- Ёксюзню тилеги къабыл болур.
- Сютню башын джалагъан къутулур, тюбюн ичген тутулур.
- Туз, гырджын аша, тюзлюк бла джаша.
- Ашхы адам – халкъ байлыгъы, ашхы джер – джашау байлыгъы.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)