- Гитче джилтин уллу элни джандырыр.
- Биреуню эскиси биреуге джангы болмайды.
- Ашда – бёрю, ишде – ёлю.
- Ата – билек, ана – джюрек!
- Халкъгъа джарагъан, джарлы къалмаз.
- Адамны аманы адамны бети бла ойнар.
- Айырылмаз джууугъунга, унутмаз сёзню айтма.
- Башы джабылгъан челекге, кир тюшмез.
- Джолда аягъынга сакъ бол, ушакъда тилинге сакъ бол.
- Джырчы джырчыгъа – къарнаш.
- Джыланны къуйругъундан басарынг келсе, аны башы болгъанын унутма.
- Къарт айтханны этмеген, къартаймаз.
- Олтуруб кёрюнмей эди да, ёрге туруб кёрюне эди.
- Эшекни не къадар тюйсенг да, ат болмаз.
- Бир онгсуз адам адет чыгъарды, деб эштирик тюлсе.
- Джашлыкъ этмеген, башлыкъ этмез.
- Къызбайны юйюне дери сюрсенг, батыр болур.
- Мен да «сен», дейме, сен да «кесим», дейсе.
- Тил джюрекге джол ишлейди.
- Кёл ашады да, кеси ашады.
- Бозаны арты дауур болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Айранын берсенг, челегин да къызгъанма.
- Биреу къой излей, биреу той излей.
- Чакъырылмай келген къонакъ сыйланмай кетер.
- Юйюнг бла джау болгъандан эсе, элинг бла джау бол.
- Джыгъылгъанны сырты джерден тоймаз.
- Сёз – кюмюш, джыр – алтын.
- Кесине оноу эте билмеген, халкъына да эте билмез.
- Айран тёгюлсе, джугъусу къалыр.
- Байны къызы баймакъ болса да, юйде къалмаз!
- Аман адам элни бир-бирине джау этер.
- Эр сокъур болсун, къатын тилсиз болсун.
- Дуния малгъа сатылма, кесингден телиге къатылма.
- Кёб джат да, бек чаб.
- Чёбню кёлтюрсенг, тюбюнден сёз чыгъар.
- Айтхан – тынч, этген – къыйын.
- Аман адамны тепсинге олтуртсанг, къызынгы тилер.
- Мал ёлсе, сюек къалыр, адам ёлсе, иши къалыр.
- Ишни аллы бла къууанма да, арты бла къууан.
- Ариу сёз джыланны орнундан чыгъарыр.
- Башланнган иш битер, къымылдагъан тиш тюшер.
- Аллахдан тилесенг, кёб тиле.
- Танг атмайма десе да, кюн къоярыкъ тюйюлдю.
- Адамны артындан къара сабан сюрме.
- Ашатыргъа иш – ашхы, ишлетирге аш – ашхы.
- Окъумагъан сокъурду, сокъур ташха абыныр!
- Джигер – джаннга къыйынлыкъ.
- Бетинги сатма, малынгы сат.
- Эл элде бирер малынг болгъандан эсе, бирер тенгинг болсун.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)