- Къарт бла баш аша, джаш бла аякъ аша.
- Мени джылытмагъан кюн, меннге тиймесин!
- Ишин билген, аны сыйын чыгъарады.
- Адеб этмеген, адеб кёрмез.
- Джырына кёре эжиую.
- Сабийликде юретмесенг, уллу болса – тюзелмез.
- Къулакъдан эсе, кёзге ышан.
- Элни кючю – эмеген.
- Тенгни тенглиги джашай барсанг билинир.
- Кесине гебен этелмеген, биреуге черен эте эди.
- Босагъа таш юйге кирмей эди, тыбыр таш эшикге чыкъмай эди.
- Айтхан – тынч, этген – къыйын.
- Кийимни бир кюнню аясанг, минг кюннге джарар.
- Аз айтсам, кёб ангылагъыз.
- Кюн кёрмеген, кюн кёрсе, кюндюз чыракъ джандырыр.
- Нарт сёз – тилни бети.
- Тай асырагъан, атха минер.
- Тешик этген тынчды, аны джамагъан къыйынды.
- Къралынгы – душмандан, башынгы от бла суудан сакъла.
- Аман къатын алгъан, арыр, иги къатын алгъан джарыр.
- Къонакъ хазыр болгъанлыкъгъа, къонакъбай хазыр тюлдю.
- Азыкълы ат арымаз, къатыны аман джарымаз.
- Джаш къарыу бла кючлю, къарт акъыл бла кючлю.
- Джиби бир къат джетмей эди да, эки къат тарта эди.
- Нёгер болсанг, тенг бол, тенг болмасанг, кенг бол.
- Татлы сёз – балдан татлы.
- Эрине къаргъыш этген къатын, эрнин къабар.
- Къазанчы аман болса, къазаны къайнамаз.
- Къошда джокъгъа – юлюш джокъ.
- Тойгъан джерден туугъан джер игиди.
- Биреу къой излей, биреу той излей.
- Юре билмеген ит, къонакъ келтирир.
- Ач бёрюге мекям джокъ.
- Акъыл аздырмаз, билим тоздурмаз.
- Хоншуну тауугъу къаз кёрюнюр, келини къыз кёрюнюр.
- Сабий болмагъан джерде, мёлек болмаз.
- Экеулен сёлеше тура эселе, орталарына барыб кирме.
- Билими азны – ауузунда кирит.
- Адам сёзге тынгыла, акъыл сёзню ангыла.
- Ойнай-ойнай кёз чыгъар.
- Чалманны аллы къалай башланса, арты да алай барады.
- Кёпюр салгъан кеси ётер, уру къазгъан кеси кетер.
- Ат да турмайды бир териде.
- Аман адам элни бир-бирине джау этер.
- Кюл тюбюндеги от кёрюнмейди.
- Келинин тута билмеген, къул этер, къызын тута билмеген, тул этер.
- Мухар, кеси тойса да, кёзю тоймаз.
- Къарыусузгъа кюлме, онгсузгъа тийме.
- Ичимден чыкъды хата, къайры барайым сата?
- Ачны эсинде – аш.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)