- Чомарт бергенин айтмаз.
- Келинни – келгинчи, бёркню кийгинчи кёр.
- Келлик заман – къартлыкъ келтирир, кетген заман – джашлыкъ ёлтюрюр.
- Оюмсуз атлагъан, аджалсыз ёлюр.
- Билеги кючлю, бирни джыгъар, билими кючлю, мингни джыгъар.
- Ойнай-ойнай кёз чыгъар.
- Тилчиден кери бол.
- Ёзденликни кёбю ётюрюк.
- Кёлсюзден сёзсюз тууар.
- Чабакъгъа акъыл, табагъа тюшсе келеди.
- Иги – алгъыш этер, аман – къаргъыш этер.
- Телиге акъыл салгъандан эсе, ёлгеннге джан салырса.
- Аман хансны – урлугъу кёб.
- Кёбню кёрген – кёб билир.
- Джангызны оту джарыкъ джанмаз!
- Татлы тилде – сёз ариу, чемер къолда – иш ариу.
- Рысхы джалгъанды: келген да этер, кетген да этер.
- Этни да ашады, бетни да ашады.
- Бал ашаргъа сюе эсенг, чибин ургъаннга тёз.
- Аш кетер да бет къалыр.
- Ариу сёз – къылычдан джити.
- Ашхы атаны – джашы ашхы, ашхы ананы – къызы ашхы.
- Сёз – кюмюш, джыр – алтын.
- Къолунгдан къуймакъ ашатсанг да, атаны борчундан къутулмазса.
- Кёлю джокъну – джолу джокъ.
- Къызбайны юйюне дери сюрсенг, батыр болур.
- Ашхы болсанг, атынг чыгъар, аман болсанг, джанынг чыгъар.
- Къууут – джелге, берне – бошха.
- Айранны сюйген, ийнек тутар.
- Адам къаллай бир ишленмесе, аллай бир кесин уллу кёреди.
- Ауузу аманнга «иги», деме.
- Сабийликде юретмесенг, уллу болса – тюзелмез.
- Гитче джилтин уллу элни джандырыр.
- Сакъ юйюне сау барыр.
- Джолда аягъынга сакъ бол, ушакъда тилинге сакъ бол.
- Къарыусузгъа кюлме, онгсузгъа тийме.
- Биреуню къыйынлыгъы бла кесинге джол ишлеме.
- Ач да бол, токъ да бол – намысынга бек бол.
- Керек ташны ауурлугъу джокъ.
- Мадар болса, къадар болур.
- Къарт айтханны этмеген, къартаймаз.
- Къонакъ аман болса, къонакъбай джунчур
- Чёбню кёлтюрсенг, тюбюнден сёз чыгъар.
- Урама да – ёледи, сатама да – келеди.
- Юйлю уругъа ит чабмаз.
- Кюл тюбюндеги от кёрюнмейди.
- Баш – акъыл ючюн, акъылман – халкъ ючюн.
- Суугъа – чабакъ, къаягъа – ыргъакъ.
- Акъыл къартда, джашда тюйюлдю – башдады.
- Тойгъан джерден туугъан джер игиди.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)