- Хоншуну тауугъу къаз кёрюнюр, келини къыз кёрюнюр.
- Кесине гебен этелмеген, биреуге черен эте эди.
- Кенгеш болса, уруш болмаз.
- Чакъырылмагъан къонакъ къачан кетерин сормаз.
- Билимли ёлмез, билимсиз кёрмез.
- Джуртун къоругъан озар.
- Аман адам этегингден тутса, кес да къач.
- Биреуге аманлыкъны тилеме да, кесинге ашхылыкъны тиле.
- Акъыллы айтыр эди, акъылсыз къоймайды.
- Джарашыу сюйген – джалынчакъ.
- Биреуге аманлыкъ этиб, кесинге игилик табмазса.
- Биреуге кёлтюрген таягъынг, кесинги башынга урур.
- Соргъан айыб тюлдю, билмеген айыбды.
- Дуния аламаты сен эсенг да, игиме деб айтма.
- Биреу къой излей, биреу той излей.
- Намысы болмагъанны, сыйы болмаз.
- Ат да турмайды бир териде.
- Уллу атлама – абынырса, уллу къабма – къарылырса.
- Башы джабылгъан челекге, кир тюшмез.
- Аш хазыр болса, иш харам болур.
- Ёлген эшек бёрюден къоркъмайды.
- Тилде сюек болмаса да, сюек сындырыр.
- Чакъырылмагъан къонакъ тёрге атламаз.
- Биреу ашаб къутулур, биреу джалаб тутулур.
- Джашны джигитлиги сорулур, къызны джигерлиги сорулур.
- Билген билмегенни юретген адетди.
- Акъылсызны джууукъгъа алма, акъыллыны кенгнге салма.
- Ач – эснер, ат – кишнер.
- Къазанда болса, чолпугъа чыгъар.
- Ашхы тенг джолгъа салыр, аман тенг джолдан тайдырыр.
- Экеу тутушса, биреу джыгъылыр.
- Иги адамны бир сёзю эки болмаз.
- Тюз сёз баргъан сууну тыяр.
- Биреуню къыйынлыгъы бла кесинге джол ишлеме.
- Итли къонакъ джарашмаз.
- Къулакъдан эсе, кёзге ышан.
- Ачыкъ джюрекге джол – ачыкъ.
- Орундукъ тюбюнде атылсам да, орта джиликме, де да айлан.
- Игилик игилик бла сингдирилиучю затды.
- Иги сёз – джаннга азыкъ, аман сёз башха – къазыкъ.
- Окъдан джара эртде-кеч болса да бителир, сёз джара, ёмюрге къалыр.
- Къонакъ хазыр болгъанлыкъгъа, къонакъбай хазыр тюлдю.
- Игини сыйлагъан адетди.
- Ургъан суудан башынгы сакъла.
- Ёксюзню къалачы уллу кёрюнюр.
- Кийимни бичсенг, кенг бич, тар этген къыйын тюлдю.
- Бет бетге къараса, бет да джерге къарар.
- Кёл – къызбай, къол – батыр.
- Адамны джюреги нени кёрюрге сюйсе, кёзю да аны кёрюрге ёч болады.
- Кёб ант этген, кёб ётюрюк айтыр.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)