- Таукелге нюр джауар.
- Къартны сыйын кёрмеген, къартлыгъында сыйлы болмаз.
- Къонакъ кёб келюучю юйню, къазаны отдан тюшмез.
- Зарда марда джокъ.
- Эл элде бирер малынг болгъандан эсе, бирер тенгинг болсун.
- Аджаллыгъа окъсуз шкок атылыр.
- Эри аманны, къатыны – аман.
- Джангыз торгъай джырламаз.
- Намыс болмагъан джерде, насыб болмаз.
- Мен да «сен», дейме, сен да «кесим», дейсе.
- Окъ къызбайны джокълайды.
- Кютгени беш эчки, сызгъыргъаны уа, джерни джарады.
- Къонагъынгы артмагъын алма да, алгъышын ал.
- Сабий болмагъан джерде, мёлек болмаз.
- Окъуусуз билим – джокъ, билимсиз кюнюнг – джокъ.
- Биреуге аманлыкъны тилеме да, кесинге ашхылыкъны тиле.
- Чарсда алчыны эл кёреди.
- Билмегенинги, билгеннге сор.
- Аманны тукъумуна къарама, игини тукъумун сорма.
- Тыш элде солтан болгъандан эсе, кесинги элде олтан болгъан игиди!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёбден умут этиб, аздан къуру къалма.
- Къарыусузгъа кюлме, онгсузгъа тийме.
- Адебни адебсизден юрен.
- Джиби бир къат джетмей эди да, эки къат тарта эди.
- Телиге акъыл салгъандан эсе, ёлгеннге джан салырса.
- Ауругъан – джашаудан умутчу.
- Ашха уста, юйюнде болсун
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Орну джокъну – сыйы джокъ.
- Атынг аманнга чыкъгъандан эсе, джанынг тамагъынгдан чыкъсын.
- Бек анасы джыламаз.
- Хар сёзню орну барды.
- Гыдай эчки суугъа къараб, мюйюзле кёрмесе, джашма алкъын, дегенди.
- Тай асырагъан, атха минер.
- Aдам боллукъ, сыфатындан белгили.
- Атлыны кёрсе, джаяуну буту талыр.
- Джырына кёре эжиую.
- Сангырау къулакъ эл бузар.
- Ач уят къоймаз.
- Аш хазыр болса, иш харам болур.
- Ауругъаннга – кийик саулукъ, джетген къызгъа – чилле джаулукъ.
- Къулакъдан эсе, кёзге ышан.
- Кёзю сокъурдан – къоркъма, кёлю сокъурдан – къоркъ.
- Адам къыйынлыгъын кёлтюрюр, зауукълугъун кёлтюрмез.
- Адеби болмагъан къыз – тузсуз хант.
- Бир абыннган – минг сюрюнюр.
- Ойнаб айтсанг да, эслеб айт.
- Аман хансны – урлугъу кёб.
- Акъыллы башны – тили къысха.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)