- Чомартны къолун джокълукъ байлар.
- Булут кёкге джарашыу, уят бетге джарашыу.
- Къазанчы аман болса, къазаны къайнамаз.
- Таугъа чыгъаллыкъ эсенг, тюзде къалма.
- Аллахдан тилесенг, кёб тиле.
- Элге къуллукъ этмеген, элге ие болмаз.
- Ётюрюкню башын керти кесер.
- Къолунгдан къуймакъ ашатсанг да, атаны борчундан къутулмазса.
- Кесине оноу эте билмеген, халкъына да эте билмез.
- Бетинги сатма, малынгы сат.
- Игини сыйлагъан адетди.
- Зарда марда джокъ.
- Адамны сабийин сюйген джюреги, бычакъча, джитиди.
- Хар сёзню орну барды.
- Джол бла сёзню къыйыры джокъ.
- Эллинг бла джау болсанг да, юйюнг бла джау болма.
- Ашыкъгъанны этеги бутуна чырмалыр.
- Джюз элде джюз ёгюзюм болгъандан эсе, джюз джууугъум болсун.
- Эркишини аманы тиширыуну джылатыр.
- Уллу атлама – абынырса, уллу къабма – къарылырса.
- Къайтырыкъ эшигинги, къаты уруб чыкъма.
- Термилгенинги табмазса, кюлгенинге тюберсе.
- Адам къаллай бир ишленмесе, аллай бир кесин уллу кёреди.
- Тик ёргени, тик энгишгеси да болады.
- Сабыр джетер муратха, сабырсыз къалыр уятха.
- Джогъун бар этген, барын бал этген.
- Билим къая тешер.
- Онгсузну – джакъла, тенгликни – сакъла.
- Къайгъы тюбю – тенгиз.
- Эринчекге кюн узун.
- Мал кёб болса, джууукъ кёб болур.
- Байны къызы баймакъ болса да, юйде къалмаз!
- Терслик кетер, тюзлюк джетер.
- Джаш къарыу бла кючлю, къарт акъыл бла кючлю.
- Тёзген – тёш ашар!
- Ётюрюкден тюбю джокъ, кёлтюрюрге джиби джокъ.
- Айтылгъан сёз ызына къайтмаз.
- Ашыкъгъан cуу, тенгизге джетмез.
- Аджалсыз ёлюм болмаз.
- Аманны тукъумуна къарама, игини тукъумун сорма.
- Чомартха хар кюн да байрамды.
- Бичгенде ашыкъма, тикгенде ашыкъ.
- Чомартны къолу берекет.
- Сангырау къулакъ эл бузар.
- Урама да – ёледи, сатама да – келеди.
- Ишни ахырын ойламай, аллын башлама.
- Ким бла джюрюсенг, аны кёзю бла кёрюнюрсе.
- Джигер – джаннга къыйынлыкъ.
- Кенгеш болса, уруш болмаз.
- Нёгер болсанг, тенг бол, тенг болмасанг, кенг бол.
Къайгъысыз джашлыкъны сандрагъы
|
Sagal
Арыб-талыб, излеб табалмайд къарыуун!  |
|
|
|
|
 |
|
|
|
|
|
Сауболугъуз!
|
|
|
|
|
|
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
|
|
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
|
Читают тему (гостей: 1)